Mr. Steak Buffet à la minute (已搬遷) 新店位置

剛過去的生日，我的乖乖太太請我去「Mr. Steak Buffet a la minute」食餐好的，之前有人說不錯，也有人說不值，唔，吃過後，覺得倒還過得去。這裡是以優質牛扒作招徠，每晚都有不同主打，我食的那晚是sell澳洲和牛，跟著同場還有幾款西冷及安格斯牛柳，當然每款都試一兩件。講真，我唔係好識分，亦唔係好識食，我只能說幾好食、幾creamy，唔同食鵝肝咁，有d整得好食既，會入口即溶，哇一聲叫出來。當然，都係好食的；不過問我，可能「金鳳」同佢都相差無幾。咁如果牛扒都唔係話好有吸引力，那是否不應來這裡吃呢？咁又唔係喎，如果當食Buffet，這裡無論環境、招呼及食物水準，都很不錯。好像生蠔雖然細細隻，但都是即開即食；刺身也是新鮮靚貨，其他的熱盤我沒吃，但那個海南雞飯確實一流，雞固然好味，雞油飯亦出色…雖然食buffet食飯是有點戇居，但最緊要過癮嘛。另外場中兩款熱湯也很高水準，只是其中的海鮮湯飲完後，換了個沒有特色的羅宋湯出來頂檔，有點失望。甜品不過不失，至少不是難入口的。價錢不算便宜，但這可能是優點，至少不會爭來爭去搶食物、大排長龍輪候龍蝦或牛扒。不過食肉太易飽，以牛扒作為buff