🎭好耐無食過《牛大人》，聽講近期推出了新品黑白養生鍋，見好多人都試過，熊妹梗係唔執輸帶埋阿豬媽去湊個熱鬧啦！
📌《牛大人》出名食牛都不在話下，今次出埋呢個黑白養生鍋真係帶起咗個潮流。次次食都要喺門口排隊攞籌🗳️，今次8點幾放工之後去到食宵夜時段，終於可以直入，太好了！
📌銅鑼灣分店位於銅鑼灣廣場二期5樓，地鐵站C出口一出，對面馬路就係！超級方便！
15
190
📌任食火鍋套餐有四款，價錢越貴就包得越多同越靚的嘢食。放工咁肚餓梗係食最貴嗰款食盡佢啦！
120分鐘日本黑毛和牛A4+火鍋放題，$488/位
送澳洲M9和牛牛丸2粒 及 海鮮拼盤 及 任食鮑魚
終極套餐梗係多嘢送啦，海鮮拼盤有生蠔、鮑魚、帶子同蟶子，食落幾新鮮。
黑白養生湯鍋
話明試新野，就點個鴛鴦鍋試勻去。
黑白湯鍋就係黑金蒜皇土雞鍋及雪白御鮮豆腐鍋。
牛肉
牛肉方面真係有好多款，最貴的日本黑毛和牛A4+，仲有澳洲和牛M5牛肩卷、美國SRF極黑牛、安格斯特選牛板腱、安格斯牛小排、封門柳、牛舌片、一口牛肉粒等等。
日本黑毛和牛A4+真係冇得頂啲雪花靚到又大塊，烚一烚，點少少醬汁，入口溶化，好重牛味，真係牛肉嘅極品！絕對推薦食呢一款牛呢一款套餐！
豬梅肉
另外，大推的係伊比利亞黑毛豬梅肉，大大片一片切到超薄，豬肉要烚熟啲但都好快熟透，成啖擺入口好有肉質口感，而且無肥肉位，絕對係高質靚肉。
羊、雞
除了牛款，其他肉類都有好多選擇。上腹牛五花，西班牙豬梅肉片，紐西蘭羊卷肉，花雕酒雞件，西班牙豬五花片等等。
特色食物
黑白系列除咗湯鍋之後仲有好多特色食物，「黑」系列有黑‧雪映山葵豆腐，蟹籽墨汁漿同鹽酥髒髒雞；「白」系列有白 ‧ 藤香鮑魚豆腐，鹽酥美乃『雞』，魚香皮蛋豆腐，咁特別又有噱頭都要唔執輸試晒佢！
鮑魚豆腐啲鮑魚切絲了好彈牙，同嫩滑豆腐食口感又幾夾喎！
鮑魚
鮑魚都有好多款，食落真係夠晒彈牙！有鮮甜鮑魚，炭燒鹽蔥鮑魚，柚子燒汁鮑魚同古法醉鮑魚。其中古法醉鮑魚係超級驚喜！好重花雕醉酒味，一人啪完一隻都唔夠喉！
海鮮
海蝦、鯇魚片、鯇魚腩、鯛魚片沙白
墨汁漿
蟹籽墨汁漿，干貝鮮魚漿，章魚珍珠漿
台灣水餃
燕餃，蛋餃，蝦餃，高麗菜水餃，韭菜水餃
台灣小食
排骨酥午餐肉，老油條，炸魚皮，鹽酥雞，小香腸，皮蛋豆腐，甜不辣，蜜汁腸，牛筋，牛肚，雞腳筋，涼拌黑木耳等等。
任食自助區
菇類、菜類、丸類都有五十幾款，全部都洗得好乾淨，而且換盆都好快，好少見到有沽清嘅情況。
1
飲品
飲品雪櫃，當然唔少得自家製冷泡茶、各款罐裝汽水同紙包飲品。
特別在仲可以點台式飲品，有冬瓜茶、烏梅汁、柑桔椰果、酸梅汁、鴨屎香檸檬茶、珍珠奶茶、台中仙草凍等等，打個邊爐都可以飲到特色飲品，夠哂滿足！
黑白特飲品系列係芝麻豆漿黑旋風，係好味喎！豆漿味好出同黑芝麻味不嬲都好夾，最主要仲有好多粒粒煙靭嘅豬，真係食出黑白相應嘅味道，估唔到《牛大人》連飲品都做得唔錯！只有LIKE & FOLLOW @牛大人 社交平台，就可以免費獲贈呢杯新出嘅特飲，抵呀！🆓
甜品
仙花雙圓就係有仙草、豆腐花、小丸子🍡、椰果、紅豆🫘同花奶🍼，集合咁多款台式配料，味道唔係好甜，作為大餐嘅總結，可以一試！
黑白啤酒 - 半杯晨光．半杯暮色，$68/400ml
打邊爐想啤啤佢，黑白系列推出咗呢款混合少爺啤酒的Pilsner與Stout，飲落樂醇，易入口，同牛肉一齊食真係台灣人打邊爐的配搭。
📌一路打邊爐，一路伴隨住台灣熱歌🎤，又有好多台灣小食同特飲🧋，感覺真係好似去咗台灣咁！
📌想食高質牛肉火鍋？《牛大人》真係不二之選。
