茶涮涮 (已結業)

相約朋友係名店坊等，直行到尾就見到茶涮涮😍，朋友話之前lunch time食過一次覺得值得推介，所以想同我分享。🤩朋友同我一齊嗌左鹿兒島a5和牛塔塔定食 $268 ，聽見A5和牛已經非常期待🤩。店員為我地介紹鹿兒島a5和牛塔塔背後既故事📚。原來a5和牛塔塔係經過雪室熟成既和牛🐄。 詳細了解之後原來雪室熟成係透過將和牛靜置係長期維持於1℃至2℃、濕度高達90%既環境下約30日，令和牛肉汁更飽滿、口感更鮮嫩軟腍， 今次真係長知識啊🤩🤩！ 當然定食嚟到我哋急不及待就要試吓呢一個雪室熟成和牛，果然入口十分軟腍多汁，無須多咀嚼，肉已經消失得無影無蹤，非常驚喜！🤩🤩🤩定食仲有漬物（ 蒜頭 牛蒡 紅酒 蘋果）、蟹肉沙律、和牛味噌湯，都係十分有心思既製作，漬物味道適合送酒，蟹肉沙律鮮甜，和牛味噌湯牛肉味濃郁，100分滿意之作。後黎上網翻查，原來雪室牛數量稀少，能夠用呢個價錢去享受到高質性價比之驚喜，真係必定會再食！店員細心介紹👏🏻，環境又衛生整潔👍🏻，已經book定位後日再食！