生龍清湯腩 (已結業)

清湯牛四寶伊麵走蔥，我都話走蔥咯，又唔記得。好采佢地啲蔥放係隻羹度啫，即刻掉晒去。依度實在好多選擇，唔知食咩好，咁黎個什錦試試啦。清湯好香甜，話咁快比我全部飲晒。好掛住第一次食到既腍滑牛腩，今次同樣都係遇唔到，牛腩勁多肥膏，肉位又硬又乾，失望 ﹗牛肚有陣酸味，我接受唔到囉。牛脷過腍，完全無爽口感覺。牛筋嚥靭膠口又棉滑，正呀 ﹗伊麵烚得不過不失啦，收貨。