金利來食坊 (已結業)

4月7日, 撞啱今日去九龙湾睇戏, 就嚟到牛下食饭, 可能大家都知道牛下就黎清拆, 所以d大街小巷都几多人, 周围食肆都系人来人往, 我地去咗金利来, 多人到要排队, 好彩唔系排咗好耐…::: 黄金软壳蟹 ::: $55我地好钟食嘅软壳蟹, 叫咗用黄金整法, 其实有d漏, 软壳蟹非常香口, 啱啱炸起, d蟹嘅油渗出蟹肉, 劲香又脆!! 咬落啖啖肉~ 加埋外面嘅咸蛋黄, 咸咸地食头几啖真系开胃d口水完全大量咁分泌出黎, 不过食得多真系觉得好咸, 可能要送饭至得~ 底下仲有粟米同大量椰菜丝垫底, 粟米吸收咗d咸蛋黄味道都几唔错, 呀菲劲钟意!! 椰菜丝亦令成碟野感觉上冇咁热气~ 不过真系好大碟, 2个人未必食得晒, 因为食多几件会滞, 4人食会好d~::: 煎蚝饼 ::: $35份量继续劲大碟, 睇卖相比潮州打冷d蚝饼好, 又煎得好脆~ 不过, 都系头几啖好食, 蚝太少而蛋浆过多! 呢味又系唔洗点汁都已经超咸, 基本上唔送饭系好难食得晒. 差唔多三啖蛋先得一啖有蚝… 同埋冻咗之后d蛋浆好一旧旧, 好似食紧鸡蛋糕咁… 绝对唔合格…本身都对呢间几期待, 所以都有d失望~ 咁多人黎食都可能系羊群