鴨大哥 (太古坊)

营业中

休息中

今次約埋朋友仔去食片皮鴨，餐廳位於鰂魚涌，新開試業仲有八折優惠，真係非常抵食。北京烤鴨片皮鴨上枱時已經香氣樸鼻，即叫即烤，鴨烤得特別酥脆，鴨肉入口嫩滑，鴨味濃郁，脂肪唔算多，餅皮用爐蒸住，可以保持軟腍。配料有大蔥、青瓜同三款醬料，醬料有自家製鴨醬、日本柚子醬同紅糖，可按自己喜好配搭。荔枝山楂咕嚕肉特別用咗荔枝肉代替菠蘿，味道清甜，咕嚕肉炸得外脆內軟，醬汁酸酸甜甜，越食越開胃。雲南黑士豬叉燒叉燒肉質軟腍，肥瘦適中，蜜汁味中略帶玫瑰露香氣。海鮮鴨湯泡飯原個砂煲上枱，夠熱之餘又可以保持溫度，材料有鴨肉、帶子、蝦肉等，湯底味道鮮甜，再加人脆米令整個泡飯口感層次提升。