樂天經典 (已結業)

又到父親節喇～上個月同媽咪食咗樂天皇朝～今個月就同爸爸食樂天經典啦～今次就我返工，所以揀咗尖沙咀加拿芬廣場呢間～環境裝修幾靚幾舒服～好適合一家大細嚟食啊～店員服務態度好好，笑容滿面～食物同雖然皇朝差不多，但主打嘅就有不同～樂天經典主打新加坡螃蟹美食～四款口味之中，我哋揀咗必吃首選：星洲黑胡椒螃蟹(大)好大隻蟹啊，黑胡椒味佈滿蟹隻四周～蟹殼微微敲碎，令到胡黑椒味道浸入蟹肉之中～辣辣哋，食落十分野味～淮山杞子鮮螺頭湯飲得出係燉咗好耐嘅湯～清淡得嚟又飲到肉味，好健康嘅感覺～店員分完湯出嚟之後仲會”不”啲湯渣出嚟～見到都幾足料～金牌脆皮燒雞脆卜卜嘅蝦片圍繞著脆皮雞～燒雞皮確係好脆，雞肉嫩滑～南乳羅漢素菜煲濃濃南孔味，而我又特別鐘意食南乳味嘅嘢～呢碟羅漢素菜就啱晒我口味～裹面有耶菜花、木耳、甘筍、甜豆、腐皮同粉絲～全部都比南乳嘅味道包圍住～正呀漁香茄子煲一心諗住佢會好油同好鹹，但又唔係喎～唔太鹹又唔太油，但味道又ok喎～茄子好林好入味同白飯係絕配～呢味餸搞到我清晒成碗白飯！荔枝咕嚕肉咕嚕肉帶有荔枝味道，又幾夾喎～一開頭我唔知係荔枝味，仲話有啲玫瑰味道，幾特別喎～後來先知原來嗰啲味係荔枝味嚟～仲有