Simplylife Bakery Cafe (已結業)

父親節晚飯，為了避開長長人龍，我們選擇了食個 early dinner 慶祝。由於開飯時間尚早，等了3分鐘左右，就有位了。正！先來一個 Simplylife 招牌餐包，麵包自家製，出咗名好食，每次食完都會好滿足又開心。「慢煮紅酒肉碎手製闊條麵」本人覺得太鹹，一路食，一路飲水。其實佢啲牛肉、芝士、闊條麵，各自都好食。未知是否廚師今日開心得滯，所以重手左。「燒紐西蘭羊扒 · 燴茄子 · 香草燒薯」羊扒非常好食👍🏻👍🏻👍🏻，今次點左七成熟，初時有點擔心過熟，因為以往在其他餐廳嘅經歷，order七成有時會太熟，浪費左啲羊扒。今次啱啱好，真係好好食。配料都好正！其實 Simplylife 一向啲配料都好有水準，本人每次都好放心。