水晶晶泰國餐廳 (已結業)

今日提早慶祝爸爸節，黎左「水晶晶」食全家都喜愛嘅泰國野餐廳環境闊落，有卡位亦有大枱，7:15pm去到唔洗等位呢度長做緊呢2張優惠餐牌！我地次次都叫上面明爐魚+小菜果個B餐！真係又抵又好食！因為本身淨係條魚都單價$148，跟餐就$168可以多款小菜！份量仲唔少添架！今次叫B餐「傳統泰式明爐烏頭魚+泰式咕嚕蝦」傳統泰式明爐烏頭魚呢一味次次食都唔會厭！材料好豐富！條魚大得黎新鮮，有雞髀菇、豬肉丸、蘑菇、粉絲等一齊食！最正就係一路食可以一路畢啲湯飲，啲湯索晒啲味好正架泰式咕嚕蝦抱歉掛住食，食完先醒起要影相！呢味酸酸甜甜，蝦球好肥好大隻，食落都冇雪藏味，大約有六粒咁多！其他配菜有菠蘿洋蔥青椒青瓜等。泰式炒通菜呢個冇咩特別，啲菜有啲老。鑊氣OK，勝在夠熱！紅咖喱豬呢個唔算好辣～有好香咖喱味，再加啲甜味！入面有豆角豬肉蘑菇車厘茄餸飯岩晒！泰式濕炒河（豬）呢個濕炒河好有鑊氣食都落左好多菜，豬片唔夠淋。呢碟趁熱食很好吃其實套餐餐牌以供參考～5人埋單共$414