水晶晶泰國餐廳 (已結業)

入完石澳游水，要食餐好既，近近地黎左北角水晶晶!!之前一直系帮衬而度既下午茶海南鸡饭，今次终于可以试下晚饭时段~甘岩有个4周年优惠餐，我地拣左明炉鱼，海南鸡，都系$168泰乡村冬荫明炉，边煮边食，热腾腾，好入味~~冬荫公汤底辣得过瘾，(其实唔算劲辣，唔食辣既朋友都可以试下)!而且入面有唔少既配菜! 小蕃茄、蘑菇等鱼肉质鲜甜嫩滑，重好入味!!!热腾腾咬落去，真系辣得滋味!!有冬荫公，当然要叫加象啤。冰冷清凉，而且好有风味!海南鸡应该唔洗多讲，而度既招牌菜之一!鸡肉非常嫩滑，而且肥膏不多，啖啖肉!!见到隔离枱既菠萝炒饭甘吸引就叫左个，炒饭非常足料，配料铺得满满，有肉松、果仁、鱿鱼、等等，饭内有不少菠萝粒，非常推荐!!! …查看更多

今日提早庆祝爸爸节，黎左「水晶晶」食全家都喜爱嘅泰国野餐厅环境阔落，有卡位亦有大枱，7:15pm去到唔洗等位呢度长做紧呢2张优惠餐牌！我地次次都叫上面明炉鱼+小菜果个B餐！真系又抵又好食！因为本身净系条鱼都单价$148，跟餐就$168可以多款小菜！份量仲唔少添架！今次叫B餐「传统泰式明炉乌头鱼+泰式咕噜虾」传统泰式明炉乌头鱼呢一味次次食都唔会厌！材料好丰富！条鱼大得黎新鲜，有鸡髀菇、猪肉丸、蘑菇、粉丝等一齐食！最正就系一路食可以一路毕啲汤饮，啲汤索晒啲味好正架泰式咕噜虾抱歉挂住食，食完先醒起要影相！呢味酸酸甜甜，虾球好肥好大只，食落都冇雪藏味，大约有六粒咁多！其他配菜有菠萝洋葱青椒青瓜等。泰式炒通菜呢个冇咩特别，啲菜有啲老。镬气OK，胜在够热！红咖喱猪呢个唔算好辣～有好香咖喱味，再加啲甜味！入面有豆角猪肉蘑菇车厘茄𩠌饭岩晒！泰式湿炒河（猪）呢个湿炒河好有镬气食都落左好多菜，猪片唔够淋。呢碟趁热食很好吃:)其实套餐餐牌以供参考～5人埋单共$414…查看更多

由于肠胃问题平时都不太吃辛辣的食物，但同事们大推下只好舍命陪君子吧。。现场环境与一般泰式餐厅差不多，都是一堆象头鹰头泰女像，而且冷气有点不足，晚上7点几都仲有少少热。由于有识途老马，所以不用花太多时间选择立马一个set dinner加2个小菜先。落单唔洗5分钟即上滚热辣冬阴功汤，劲开胃，好香够料同酸辣味刚刚好，连我呢d食完辣会死既人都唔觉太刺激，仲想添饮呢。炒酸辣河炒都几惹味，炒唔会痴埋一旧又唔觉油，用黎当饭食，不错，不过没惊喜。抄泰式通菜？餐桌上鲜有的菜类，用作清肠胃功用来说有点过油，但还是转头清晒。呢只切鸡简直系当晚的一流清泉，肉滑皮香有鸡味仲要唔会咬开一旧黄色脂肪，正正（鸡脾被抢了）鸡猪串烧加虾丸上层一碟“沙田油”沙律，几清新，串烧本身上碟有d冻冻地味道没特别但虾丸几好味唔油腻，酸甜味正啦。哗，全晚第二好味晚既蟹黄大虾，胆固醇应该超越天际但真系好香，虾壳都做到软绵绵就咁食唔洗吐虾壳（头尾例外）d肉吸收晒d蟹膏香味，冇得顶。呢个咖哩蟹真系全场总冠军，可惜在本人唔食蟹，但d汁真系超级正，好多蟹膏加蛋白，十级香浓，立即叫法包点汁食，3大块法包都仲想食。。望住人地食蟹真系打开可以啖啖肉，真心推荐。打字打到手残。。但呢味波罗羊架都唔讲唔得，羊架肉多味香唔（苏），d波罗食得出唔食can food果d，羊架仲要有骨髓，仲要比我抢到（得一只），于人前吮骨髓，失礼，但好味，骨胶原呀~食到最后酸辣乌头一条配肉丸秀珍菇，秘制酸辣汤一面煮面落，酸香传千里，鱼肉冇泥味唔腥又滑，菇菇吸收左d酸辣汤特别好味，肉丸就。。没特别。最后黎一杯冰冻泰式奶茶，人地话劲甜，我觉刚刚好几顺口，仲有其他多珍冰，椰青etc任君选择。叫set 送既甜品。。嗯。。有凉粉，豆糕，蛋味糕，全部都有点淡，最好味系知椰汁黑白（non）米，热热的米，冻冻的汁，两重口感，份量不多，可惜但好味，芒果十分淡冇味。。。总括而言6人190蚊位有找，冇理由唔去，90分。…查看更多

我既概念入面，菠萝炒饭系好难唔好食既，不过呢日黎到北角水晶晶......就觉得凡事唔系必然 一望落去就觉得个饭有少许湿润唔够干身喇，炒饭最重要既就系够干身丫麻，呢到已经扣左好多分，入面既材料既过于单调，得少少鸡肉、菠萝、青豆呀咁，系面头有好多肉须所以加返D分，不过成件事系唔够香口惹味，反而似湿炒饭咁淋淋地... 调味亦不足，咖哩粉落得太少，成碟饭个色泽都唔吸引…查看更多

今晚放工去北角找男友，突然又想食泰国菜，咁岩俾我地系open rice 揾到依间泰国餐厅，就特意过来试试。 　我地点了炭烧猪颈肉、泰式蛋包饭、泰式炒通菜、蟹肉炒粉丝，基本上都是我地钟意食既泰菜。上菜速度唔算快，等了大概15分钟终于有得食啦！ 我男友最爱的炭烧猪颈肉，果然无令我地失望，份量多，烧得好香好脆，厚薄适中，唔似普通餐厅整既猪颈肉咁又厚又硬，唔洗点汁已经好好味啦！ 泰式炒通菜真心正，平时系屋企好难炒到，好香好够炉气，捞埋蒜蓉粒一齐食好好味 泰式蛋包饭一样无令我失望，份量多，个饭炒得好入味，配料有青椒、蕃茄、虾等，好有口感。反而蟹肉炒粉丝麻麻地，粉丝炒到好干，食到一半已经唔太想食，幸好蟹肉够新鲜，加埋其他配料蛋、菜、葱一齐食口感唔错。最后当然是甜品时间～泰式糕点，食落口好烟韧，唔会太甜。 红色系士多啤利味，黄色系芒果味，白色系椰汁味。最好味是芒果，下次食一定食芒果味！…查看更多