陶園燒臘飯店 (已結業)

今日番工好開心，收工， 返屋企食飯之前諗住買啲嘢加料， 經過彌敦道見到呢間陶園燒臘好精神！！又乾淨🥳🥳🥳所以呢就決定買咗叉燒喇！同埋買咗個油雞返屋企啦🐣🐣佢個叉燒好靚呀！好親切嘅斬料師父會主動問我係咪要半肥瘦， 因為我係燶邊嘅叉燒控， 所以叫埋師傅畀燶邊位我❤️❤️可能係出爐時間，聞到好香。見到啲麥芽糖令立立！！即刻試咗件，嘩勁正❤️❤️跟住個油雞呢都睇得出佢好乾淨， 佢完全唔會有平時啲燒臘舖可能有雞毛呀，或者你感覺到污糟嘅感覺， 返到屋企食呢佢啲雞肉好嫩滑啦未到有㗎喎屋企有老人家呢呢個都夠曬清呀啱佢地食👩🏻‍🌾👩🏻‍🌾另外，呢間鋪頭都有一啲燒臘飯買呀！價錢都好抵🥰🥰好適合喺附近返工嘅朋友仔係度食快餐。