影片
去朋友屋企食饭，两手空空点得㗎？所以去咗烧味店加𩠌～喺门口见到大大只烧鹅，真系俾佢吸引到😂见到佢嘅镇店之宝系荔枝柴烧鹅，更加闻到独特嘅香味，而价钱亦非常亲民，就决定帮衬😃叉烧（$50）～朋友同我都怕肥，所以点左瘦叉烧😂肉质会比较实在有咬口～配埋蜜甜嘅叉烧汁，真系非常美味😋烧鹅下庄（$130）～由于烧鹅有独特嘅荔枝柴同鹅油香味，比起坊间嘅烧鹅，绝对有优胜之处！油亮嘅外皮，更加令人食指大动🤩配上酸酸嘅酱汁，简直系锦上添花😋
继续阅读
佐敦宝灵街原来系一个市集，左右两排都有唔少特色摊档，横街就有唔少食肆，今次行过就比一间烧味舖吸引住，远处已经闻到去超香嘅烧腊味，仲有蜜汁叉烧嘅蜜汁味，忍唔住买咗烧味外卖返屋企食。当日下昼嘅5:00去到，舖头入边已经有超多人食紧饭，有一排卡位加几张细枱，有一位师傅负责斩料，2位侍应负责楼面，忙起上嚟师傅真系斩唔停手🤭烧鹅下装 $130最受欢迎一定系烧鹅，睇吓门口有只肥烧鹅做生招牌就知道啦，几乎每一个人嚟到都系买烧鹅嘅。皮薄超脆，下面有一层争香嘅肥膏，再跟住啲好juicy嘅肉，最抵赞嘅系竟然仲有2包酸梅酱(⁎⁍̴̛ᴗ⁍̴̛⁎)叉烧 $50叉烧就偏瘦，胜在都够入味，蜜汁都够多，食落去都唔算好鞋，相信半肥瘦会好食啲
继续阅读
下午茶（2:30-5:30）：烧鹅濑粉（$45）附送冻热饮品烧鹅份量合理。烧鹅室温，鹅皮唔算太脆，鹅皮下有少少肥膏，但可接受，鹅肉肉质比较扎实，甚有口感。烧鹅标榜用荔枝柴烧烤。以$45包埋冻饮来说，都可以算是抵食。
继续阅读
难得过海嚟佐敦，记得朋友之前介绍过附近有间烧腊饭店，有好味嘅茘枝柴烧鹅，一于斩料加𩠌。平日黄昏时间，坐满半间舖，可见出品应该几好。烧鹅下庄 $130下庄鹅脾特别好味，见到师傅会顺手斩走多余嘅肥膏👍🏻 荔枝柴烧鹅，块皮果然特别香！啖啖肉，食落仲渗出鹅油油香。叉烧 $58斩完入盒仲系暖暖哋嘅，一般人钟意食半肥瘦叉，但我就倾向拣无乜肥膏偏瘦嘅叉烧，用埋佢啲蜜汁送饭，系正嘅！除咗烧腊，原来仲有卤水出品，有机会再试
继续阅读
🤬🤬🤬2月4号下午大概5：00，买咗盒烧鸭下庄， 返到去发现 90% 肥膏，得d指甲咁薄嘅肉，近脾位都无2啖肉，挑到挑唔到出嚟食， 几乎全部骨，仲够胆收我$130 ， 因为两只手都攞住嘢，冇入去睇住佢斩， 点知就全部俾晒骨我， 离晒谱，千祈唔好帮衬🤯好差，真系好差， 第一次去附近买， 见佢摆出嚟， 好似几靓咁。。。。 真系睇少眼就出事👎🏻👎🏻👎🏻👎🏻👎🏻 收钱态度又差，好似唔想接咁， 系门口仲要企咗好耐， 明明都唔系食饭时间，完全无法接受😡
继续阅读