阿一燒鵝瀨粉專門店 (已結業)

星期一，進入搬屋嘅倒數日子。於現居附近有新食店營業，是一間光鮮嘅燒味店。新店開張，支持一下吧！太座點了一碗雙拼叉雞瀨粉；筆者則是叉鵝飯。先講瀨粉，白色如米線般，入口算是爽口；湯底明顯地是味精料，是不能模仿大地魚餚製嘅鮮味。雞肉帶一點鹹味，有如鹽焗雞，恰好填補了冰鮮雞所冇嘅雞肉味，味道也不差。肉質沒法子，是彈性全無，用冰鮮雞，這是先天嘅局限。叉燒嘅水準不敢恭維了。筆者雖叫了半肥瘦，但擺在眼前的大部分只是瘦肉而已。肉質毫無彈性可言，而且有少少酶酶地，醃得亦一點不入味；燒鵝是用了鵝脾，肉質較乾不肥美，以食用鵝嚟講是過瘦了。聲稱是什麼秘傳燒鵝，誇張了！平均花費三十二蚊，晚飯嚟講不貴，但係味道是平均以下，很難再回頭了。