好日子

同屋企人食飯，因為姨丈剛剛尼泊爾出差返來，話好耐無食飯，一定要食中餐，本來想去明星的，但系去到好多人等位，6點幾咨客就話要食第二輪，要8點幾左右，馬上走，行左好多間都好多人，剛好行去好日子就馬上有位，D環境一般（每張枱同枱之間根本行唔到人），西蘭花一塊有味一塊無味，乳鴿麻麻地，條斑仔屋企人話幾好（我無食到），元貝都幾大粒（太多蒜蓉，比D去西蘭花個度就好啦，因為好似蒜蓉西蘭花要加10蚊，問有無芝士西蘭花話無，後來話有，要98蚊，部長話省D啦，味道好極端），燒鵝好正（我覺得比稻香好，D皮熱的時候好脆啊），老虎蝦一份系4只，全部D味道都算OK啦，5個人total買單910蚊，送左6張50蚊的現金券，話下次食滿100蚊可以用一張（正價菜），現金券比左我另外無信用卡的姨，點知佢地去食話唔可以用，因為之前送券的時候系刷卡買單，要刷卡才能用，唉......

脆皮燒鵝

老虎蝦

元貝

送的現金券