鼎尚棋哥燒鵝湯館 (已結業)

星期六做個乖孫孝女陪嬤嬤去睇粤劇，睇完近近的搵地方醫肚, 鼎尚棋哥燒鵝湯館，嬤嬤一眼睇中呢間（應該係d 音樂同門口，好有年代感）！鋪頭中等size, 好復古feel, 壁畫，枱凳睇得岀有畀心機，店員仲介紹話壁畫手繪！原本對食物冇咩期待，以為係普通燒味，點知有驚喜！椰皇燉嫩雞：第一啖真係好有驚喜，好清甜，不油膩，成碗湯都見唔到油，有d 椰子肉同雞粒係入面，好足料！寧神川芎天麻燉雞湯: 成碗湯畀人感覺係好補，湯好足料，雞係烏雞，飲落好重中藥味，初頭兩啖可能唔慣，但越飲越停唔到！燒鵝飯：招牌黎，冇理由唔試試佢，食落好重煙薰味，因為係荔枝柴煙燻，皮脆肉嫩，好食！玫瑰豉油雞瀨粉：雞夠滑夠嫩，瀨粉彈牙，個湯都好清甜！最中意佢係分開上，唔洗浸住d雞黎食，原汁原味，夠哂細心！叉燒：唔知係師傅特登定咁啱，肥叉同瘦叉分開咗兩邊，個人中意肥叉多d，食落一d都唔漏，肉質都淋，唔鞋口，值得一試！奶茶：嗌咗支奶茶，老公勁中意，話好港式奶茶，仲要係最復古果隻味！夠哂滑同夠哂香阿爺涼茶：除左樽裝奶茶，仲有阿爺樽裝涼茶可以買走飲，清熱明目同去肝火，飲落唔會太苦唔會太甜!總括黎講，好滿足一餐，靚湯燒味，好值得一試！同店員