影片
更多
2016-01-25
1714 浏览
喺香港做燒鵝而馳名嘅不外乎深井、西貢同中環嗰幾間，知道呢間一樂喺中環好出名，無理由喺中環唔去試吓。 餐廳門口係一條闊度得兩呎嘅行人路，去到嘅時候已經有人龍，而且唔少係拖住行李喼手執旅行書嘅外國遊客，，相信係睇咗資料慕名而至。排咗半個鐘終於有位，入面啲位用緊食神嘅標準，有咁迫得咁迫，行入去都要小心翼翼，一坐低，侍應姐姐唔知係咪經澳牛訓練出嚟，要我即時落單，但唔緊要，我明白時間就係金錢，喺門口等嘅時候我已經諗好咗，5分鐘左右就有飯食。 燒肉鵝胸飯$50燒肉皮脆鹹香，鹽味啱啱好，鬆化無渣，但略嫌肥膩咗少少。燒鵝胸非常高水準。皮脆肉嫩肉汁夠，連最瘦嘅胸位都鬆化嫩滑，醃味適中無苦味，上碟時微熱更加係加分位，可惜係飯底唔夠乾爽，水份太多，甚至有少少黏糊，可能生意太好，唔夠時間將剛煮熟嘅飯焗乾多餘水份，以致影響整體口感，但主角燒鵝依然令人回味。熱奶茶$16一般茶餐廳貨色，可能呢度集中精力做好燒味，對其他部門如水吧樓面訓練有以疏失，又或者客人都唔介意，所以奶茶唔好飲係正常啩。世事無完美，只要燒鵝好食，也許，一樂亦能繼續其門如市呢？
喺香港做燒鵝而馳名嘅不外乎深井、西貢同中環嗰幾間，知道呢間一樂喺中環好出名，無理由喺中環唔去試吓。
餐廳門口係一條闊度得兩呎嘅行人路，去到嘅時候已經有人龍，而且唔少係拖住行李喼手執旅行書嘅外國遊客，，相信係睇咗資料慕名而至。排咗半個鐘終於有位，入面啲位用緊食神嘅標準，有咁迫得咁迫，行入去都要小心翼翼，一坐低，侍應姐姐唔知係咪經澳牛訓練出嚟，要我即時落單，但唔緊要，我明白時間就係金錢，喺門口等嘅時候我已經諗好咗，5分鐘左右就有飯食。
燒肉鵝胸飯
$50
123 浏览
0 赞好
0 留言
燒肉鵝胸飯$50
燒肉皮脆鹹香，鹽味啱啱好，鬆化無渣，但略嫌肥膩咗少少。燒鵝胸非常高水準。皮脆肉嫩肉汁夠，連最瘦嘅胸位都鬆化嫩滑，醃味適中無苦味，上碟時微熱更加係加分位，可惜係飯底唔夠乾爽，水份太多，甚至有少少黏糊，可能生意太好，唔夠時間將剛煮熟嘅飯焗乾多餘水份，以致影響整體口感，但主角燒鵝依然令人回味。
熱奶茶$16
一般茶餐廳貨色，可能呢度集中精力做好燒味，對其他部門如水吧樓面訓練有以疏失，又或者客人都唔介意，所以奶茶唔好飲係正常啩。世事無完美，只要燒鵝好食，也許，一樂亦能繼續其門如市呢？
张贴
