鼎尚棋哥燒鵝湯館 (已結業)

去開尖沙咀就去睇下新地標戲曲中心原來嗰度開咗間「鼎尚棋哥燒鵝湯館」裝修好特別，懷舊風情！呢間餐廳係兩位廚藝高手Crossover 鼎爺 x 棋哥，即刻就試吓！餐廳主打「靚湯」同「燒味」都係香港經典美食椰皇燉嫩雞 原個椰皇燉盅，賣相已經一百分！由兩個椰皇水同椰肉燉岀女雞湯，清甜，不油膩，好滋補！燉湯仲可以外賣，有靚靚杯裝，仲有埋手抽，方便擕帶，可隨手飲 脆皮燒腩仔例牌，份量好多！肉質層次分明，肥瘦啱啱好，皮脆又唔會好油，又唔會太咸，送飯一流！ 荔枝柴燒鵝飯，我見到已經流晒口水啦！千多隻鵝中挑選出最好的一百五十隻鵝乸，佢地只選鵝乸，精挑細選果然係好嘢！皮脆，內嫩，啖啖甘香。 食落好嫩，無羶味，有荔枝柴煙燻過有淡淡的柴香，加上鵝汁撈飯，停唔到口！ 玫瑰豉油雞 ，雞夠嫩滑，而且仲食到雞鮮味，唔會比豉油汁蓋過晒！ 港式奶茶，菜底濃，飲落似絲襪奶茶，夠香夠滑。阿爺涼茶雞骨草，一飲就知好足料入面有金錢草，雞骨草，溪皇草，羅漢果。一啲都唔甜，食咗咁多肥膩野飲佢就可以清肝排毒。