大壹燒鵝 (登輝大廈)

营业中

休息中

大壹燒鵝在銅鑼灣新開張，環境光猛乾淨幾衛生，店員姐姐服務好好，多謝前多謝後，請慢用等等！感覺貼心。雞腳黃瓜湯，黃瓜煲到好綿！非常足料，大大隻雞腳，非常之多骨膠原！又有軟骨好爽脆，入口好清甜！燒鵝肥叉燒飯，全完滿足到我既喜好！鐘意肥叉燒既必定要試試呢度！好食到不得了，入口綿滑又夠嫩！甜甜地蜜糖外層，輕輕燒焦，超正！燒鵝亦做咩得非常出色，外皮燒得又香夠脆，唔會感到油膩，肉質挺身又好夠香！性價比高， 燻蹄爽嫩，再配上醋汁更清爽開胃，呢度食材都幾足料，做得幾好！而家都非常懷念個肥叉燒！！！！美味。