估唔到一坐低就送一碟鴿翼😍，今晚食咗好多款都有驚喜，精選幾款同大家介紹：
🔵三黃雞腿肉
雞皮燒到脆卜卜，咬落去雞肉嫩滑到不得了，仲要勁juicy！
🔵三黃雞腿跟腱
平時好少有得食，咬落嗰種爽脆帶彈性嘅口感真係好特別，熟成過隻雞味再濃郁啲，食落仲有啲韌度，但又唔係咬唔開嗰種
🔵三黃雞横隔膜
另一個比較少食到嘅部位，口感爽脆，都幾特別。
🔵三黃雞背肉
油脂特別香，肉質緊致，熟成過後雞味更細膩
🔵熟成特上鴿皇胸腿肉
今晚嘅MVP絕對係呢個熟成特上鴿皇胸腿肉，聽講熟成咗48個鐘，難怪肉質咁粉嫩又多汁，外皮燒到香脆，咬落去鴿肉味勁濃郁，超好食🤩
🔵汁燒鮮雞肝
鐘意食內臟嘅朋友，汁燒鮮雞肝都唔可以錯過！質地creamy，加上甜甜地嘅汁燒醬汁，一啖食晒，味道濃郁又滑溜，真係好滿足😌
除咗燒鳥外，其他一樣出色😍
🔵慢煮特選和牛三角肉熟成
充滿濃郁嘅和牛香氣，咬落去油脂分佈得好好，好細嫩又多汁，幸福感爆燈！
🔵本地活豬玻璃肉
玻璃肉即係豬頸肉燒到外脆內嫩，咬落爽口又多汁，豬肉味都好濃，唔止食雞出色㗎，連豬肉都一樣咁高質！
🔵明太子紫蘇豚肉卷
豚肉燒得夠香，裏面有爆多明太子同埋紫蘇葉。鹹鹹辣辣嘅明太子，配埋紫蘇葉嘅獨特香氣，食落好有層次，完全唔會覺得膩！
🔵特濃花膠雞白湯
最後點少得嚟返個暖笠笠嘅特濃花膠雞白湯收尾！湯底真係好！濃！郁！充滿花膠同雞嘅精華，飲落鮮甜又膠質豐富
除咗散叫外，餐廳仲提供omakase，可以試到唔同嘅限定稀有雞部位🥰
