黑木亭居酒屋 (金馬倫道)

小店最近推出全新90分鐘燒蠔串燒放題，26款肉類蔬菜，加$98即可配任飲Sapporo生啤。晚上更有Live Band，聽住音樂食串燒，成個感覺零舍唔同！燒蠔有兩款口味，分別為黑松露白汁同煙肉粒牛油，大粒飽滿，鮮甜入味，醬汁夠多，若喜歡食蠔嘅話瘋狂點真係好抵食。豚肉有六款選擇，當中四款係卷物，微微焦香嘅豚肉包住蒜芯、秋葵、露筍同荔枝，菜品鮮亂食，幫助解離，荔枝爆汁， encore咗好幾次。另外有五花腩同厚切豬頸肉串，前者油脂四散後者帶咬口，肉味出，不過都幾飽肚。牛肉就得牛舌同燒汁牛肉金菇卷，味道正常發揮，試試無妨。雞肉有四款，見大部份客人都大量點雞翼，雞腿肉蛋白質UP，相比之下個人更喜歡雞軟骨同雞皮串，兩款脆卜卜，而且唔油膩。蔬菜包含脆燒豆腐、日本產牛油蕃薯、鴛鴦翠玉瓜同粟米，燒完之後都唔會乾爭爭，但建議叫豚肉卷性價比更高。主食有醬油同明太子飯團，一口一粒唔怕飽，最後記得叫埋黑糖菠蘿同生啤Gur吓🍻