燒肉酒場 (已結業)

偶然响雜誌見到＂燒肉酒埸＂，羊痴嘅我真係好想嚟試燒羊肉，可惜仲未湊夠飯腳，如果兩個人嚟就唔會試得晒十幾款羊，所以星期六中午嚟小試牛刀，止下癮都好。至於環境，好有日本燒肉店feel，不過就唔知抽風如何，因為當日我哋趕時間，無選擇燒肉。🥢壽喜燒溫泉蛋羊肉飯定食 $68⭐️⭐️⭐️⭐️呢個定食最正，因為羊肉最薄身較嫩口，肉帶點羶好好味，仲有洋蔥同溫泉蛋拌飯，滿足！🥢石鍋羊肉飯定食 $88⭐️⭐️羊較厚身似羊扒，肉唔太熟又有少少韌，拌飯嘅辣醬超辣，整體嚟講好一般🥢羊湯烏冬 $78⭐️⭐️⭐️湯較清但我覺得ok，羊都係薄身但第一個定食嘅羊較好味，烏冬煙韌又夠滑，不過食晒成碗烏冬都唔夠飽三人共消費：$258