牛魔 (已結業)

尖沙咀高質燒肉店！同成班fd黎食燒肉先可以叫多幾款🌝 仲有啤酒可以飲幾多自己倒幾多😎叫咗4人餐($1850) 同一個set C 2人餐($1050)首先登場既豆腐沙拉好唔錯，好清新豆腐都好滑🤤叫得牛魔，大家都好期待食呢度既牛肉😻 由薄切牛肉到厚切都一樣咁高質。最鐘意呢個A4和牛牛肩肉薄切配蘋果條，牛肉好嫩好冧，A4和牛係我最中意既牛肉油脂比例，入口半溶又唔會太油。但原來加埋蘋果條係仲正🤤食完牛肉仲有高質海鮮🦞 龍蝦，帶子係新鮮到誇張！好彈牙好甜估唔到主打做燒肉店既餐廳竟然韓國小食都一樣岀色，韓式炒粉絲同個香葱海鮮煎餅係好食過係尖沙咀韓國街果啲好啲！一放低影完張相就秒速清哂最後散叫咗個煙燻生牛肉，將生雞蛋同松子仁拌埋入去，滑得黎都有口感，連唔太食生牛肉既我都覺得唔錯食埋個海膽拌飯就滿足哂，好香既飯，就咁食已經正。