伊賀日本燒肉料理 (已結業)

友人生日， 不外乎都係揀任食放題/自助餐慶生。在尖東返工既友人話佢成日黎食晏，所以我地就決定試下。餐廳裝修有少少居酒屋feel。 一坐低未落order,服務員就送上刺身船同燒肉拼盤。刺身本身是又任點的， 但得第一round 既刺身船有龍蝦刺身。 其他都係一般既帶子....三文魚...北寄貝....八爪魚....蟹棒....螺頭甜蝦，唔算特別出色。而頭round 既燒肉拼盤每款有啲，方便試食完之後再反點。龍蝦粥直得讚，粥底好綿。上菜速度也算頗快，值得一讚。但抽氣系統略嫌有待改善， 我同生日主角本身坐在最入窗邊位，唔通風之餘，抽煙系統又無咩力....真係幾焗下，大半個鐘後要同其他友人調位呢。最後每人一客movenpick 雪糕作結。