影片
更多
2023-03-08
78 浏览
燒肉放題兩不誤🥩校長燒肉日韓料理 (觀塘廣場) 🍲星期五晚市黃金時段放題🍽人均：$250🕰時間：19:30-21:30（2小時任食）喺觀塘放工，星期五晚想食餐豐富啲嘅晚餐，就即興預約咗校長燒肉放題。見佢平時星期一至四放題都好抵食，$200都唔洗可以食3.5小時😆不過星期五就都要$228一位，限時2小時。食咗之後真心覺得可以encore，CP值太！！高！！又有韓燒、又有火鍋，仲有台式小食、日式小食、中菜、點心、刺身壽司、沙律、各式各樣嘅甜品⋯⋯連飲品種類都何其多😍實在係置身喺個美食廣場咁！仲要係2小時任食！實在太幸福啦😇值得一提嘅係佢連啤酒🍻都係唔洗額外收費就可以任飲！連梅酒同清酒都有提供！不過我就乖乖哋去咗佢個DIY熱花茶區，十分有誠意，佢有多種花茶材料俾食客DIY自己嘅喜好！我就用紅棗、山楂同陳皮😊勁好飲！咁多食物入面，我最欣賞佢台式小食入面嘅地瓜球！仲好食過出邊專登買嗰啲😋我食咗成5-6粒🤣佢三文魚🍣都好唔錯！而重點💢當然係佢燒烤同火鍋材料都極多選擇！肉類都不停有店員refill，完全冇出現話唔夠嘅情況👍🏻總括嚟講，性價比實在高，冇得輸！地點都好方便，位於觀塘廣場，一出觀塘地鐵站就
星期五晚市黃金時段放題
🍽人均：$250
🕰時間：19:30-21:30（2小時任食）
喺觀塘放工，星期五晚想食餐豐富啲嘅晚餐，就即興預約咗校長燒肉放題。見佢平時星期一至四放題都好抵食，$200都唔洗可以食3.5小時😆不過星期五就都要$228一位，限時2小時。食咗之後真心覺得可以encore，CP值太！！高！！又有韓燒、又有火鍋，仲有台式小食、日式小食、中菜、點心、刺身壽司、沙律、各式各樣嘅甜品⋯⋯連飲品種類都何其多😍實在係置身喺個美食廣場咁！仲要係2小時任食！實在太幸福啦😇
值得一提嘅係佢連啤酒🍻都係唔洗額外收費就可以任飲！連梅酒同清酒都有提供！不過我就乖乖哋去咗佢個DIY熱花茶區，十分有誠意，佢有多種花茶材料俾食客DIY自己嘅喜好！我就用紅棗、山楂同陳皮😊勁好飲！
咁多食物入面，我最欣賞佢台式小食入面嘅地瓜球！仲好食過出邊專登買嗰啲😋我食咗成5-6粒🤣佢三文魚🍣都好唔錯！
而重點💢當然係佢燒烤同火鍋材料都極多選擇！肉類都不停有店員refill，完全冇出現話唔夠嘅情況👍🏻
總括嚟講，性價比實在高，冇得輸！地點都好方便，位於觀塘廣場，一出觀塘地鐵站就到☺️
Bible rating: 9/10
📍地址：校長燒肉日韓料理 (觀塘廣場) (觀塘)
觀塘開源道68號觀塘廣場15樓B號舖
张贴
