喜來稀肉 (已結業)

💛喜來烤肉（$158）牛肉片切到好薄而且都算大片，輕輕烤一烤就可以食得，仲入口即溶，又唔會覺得肥膩，絕對值得一試💛護心肉（$158）分量唔算好多，但係勝在肉質夠鮮嫩，而且好入味，燒完之後唔使特別再點醬都已經好夠💛蟹子紫菜飯團（$50）想有啲飯送吓肉食，又唔想淨係食白飯咁普通，就叫咗個紫菜飯團嚟食。除咗有好多蟹子同埋紫菜之外，仲有好香嘅麻油味。而且可以自己落手搓成飯團，食得又玩得💛水冷麵（$85）呢排天氣熱，烤肉又比較熱氣，叫返個水冷麵嚟調劑下就啱啱好～呢度嘅水冷麵雖然未至於有個冰底，但係勝在個湯底酸酸甜甜，可以食肉之前用嚟開胃醒神又得，烤完肉之後消滯都冇問題