蝦蝦燒

营业中

休息中

聞名不如進食，今日終於嚟到佐敦食最近好紅流水蝦bbq！一個價錢，2.5鐘任飲任食。星期六下午滿晒座，要嚟記住訂咗位先。一入到去就見到好多生猛嘅蝦游嚟游去，餐廳已經準備好曬啲夾係枱，夾起蝦後要放喺冰桶凍暈佢哋，之後先好拎嚟燒。但啲蝦真係好生猛，夾嘅時候要好大力，如果唔係佢哋真係會跳出嚟🤣。除咗有流水蝦外，仲有勁多海鮮任燒任食。包括鮑魚、魚、蜆、生蠔、魷魚、螺等等。每人仲會送一條鱔，燒到脆卜卜勁好味。仲有其他肉類、蔬菜同埋熟食。最後仲有本地雪糕甜品可以燒埋個窩夫一齊食，勁夾。飲品係自助，連啤酒都係任飲，真係抵食又好玩。