許願樹美食 (已搬遷) 新店位置

其實都已經食左好耐，但今日先第一次寫食評，呢間舖外賣麻麻地，不過比起唔少高級串燒舖頭仲好食。講環境叫乾淨，都唔算太迫。不過最多只適合 4 人左右，太多人就會好迫喇。串燒種類都唔少，最特別係好多野都同出面比既唔同。好似牛有安格斯牛扒，第一次睇價錢覺得貴，但原來黎到都幾大份，四個人分剛剛好，肉汁都留返係入面，咬開好香好好食。之前黎過幾次都無叫過燒燒賣，因為 19 蚊好似唔多抵，但上次無聊叫左串，原來唔係一般常見既魚肉燒賣，而係酒樓個種自製燒賣，蒸好再燒出黎，超正超好食！另外秋刀魚都唔錯，開邊燒上黎，香口可以連骨食，整體黎講值得一試再試。