許願樹美食 (已搬遷)

平時喺長沙灣經過，見到呢道好多中學生嚟食飯，今次終於到自己親嚐😁同一班朋友嚟食，叫咗燒茄子、冬菇、燒雞脾、燒大蝦，其實喺食完晚餐之後會食唔落咖！茄子係原條上碟嘅，上面茶滿咗蒜泥😍❤如果唔夠可以叫叔叔幫你落多啲香就唔在講，最緊要係啲茄子汁仲係熱辣辣，滲喺啲嫩肉入面，就算飽都想enchore！另外睇圖都見啲蝦同菇都知好邪惡😈啲蝦真係要讚一讚：燒完唔會覺得肉質好鞋，依然彈牙！…查看更多

經過聞到香噴噴就比燒烤味吸引住🤣見到價錢唔貴所以入去試吓，好彩係好食，因為之前試過其他又貴又難食🤢我哋兩個叫咗都幾多嘢食，有鴨胸肉，茄子，安格斯牛樓粒，雞腎,雞軟骨,韭菜,我好推介茄子，啲先用加埋茄子真係超級好食又香，同埋雞腎韭菜都超級好食，下次會再幫襯👍…查看更多

最近長沙灣開左間新戲院，任何時段既戲飛都係抗通脹價$45，去邊度搵呀🤩.呢晚同👩🏽睇完Captain Marvel，餓到不行，就去左戲院隔離街間串燒試下🍖.可以揀坐鋪入面或者坐街邊，睇下你中意咩風味啦！坐底叫野食都係用串燒一律既剔剔紙➡️自己睇啦➡️佢既串燒款式都幾多，等左十分鐘到就有得食，燒得出色唔會太乾，我地叫左圖入面嘅野食，其實樣樣都幾好食，其中燒豆腐、翠玉瓜同冬菇，大推🤤🤤🤤.有時食串燒男仔會想食下飽肚野(🧔🏽永遠都要食飯)，都有幾款飯可以揀，都算照顧得幾周到架🤣…查看更多

平時較少來長沙灣，是晚有幸到訪朋友新居，肚餓但又未到用饍時間，於是在附近逛逛有否小食淺嚐。openeice內數間名列前茅的串燒店都沒有營業，走了約半小時，（終於）找到這間風評甚佳的串燒店。小店由兩個小鋪位合併而成，左為廚房（主要放置食材），右為堂食區，基本上所有串燒都在門口的燒烤爐制作。外賣客首先在門外填好點餐紙、付款，15分鐘後便可回來取貨。可選擇的食材頗多，不過老實說不太便宜。因為旨在淺嚐，故只點了其三。燒金菇肥牛卷 $25/2條店家把食物分兩層擺放，第一層是金菇牛肉卷及燒韮菜。基本上這類串燒都是吃調味料的味道，所以味道差極都有個譜。不過$25只得兩條就真的有點失望燒韮菜 $12一串有兩排完整韮菜，都算對得起價錢。韮菜比較多油及老，除此之外都算惹味。燒茄子$30放在最底層的燒茄子是我最想試的不得不讚這間的火候控制得不錯，至少茄子皮沒有被燒焦調味上用上大量蒜蓉醬，惹味之餘茄子肉亦很juicy這餐late afternoon tea 盛惠$67。價錢的確有點貴，下次可能會選擇性地試些性價比較高的燒物…查看更多

家住附近, 經常來許願樹食消夜.整體黎講除咗貴少少之外, 係好食.土豆絲, 炒得好過出面唔少四川嘢, 落足雞粉, 而且濕炒, 好味道.留意, 食大陸嘢就係要食味精, 食一滴香, 識食一定係咁食.燒腸仔, 有時燶咗D, 但都好食, 燒墨魚丸, Q, 彈牙, 有墨魚粒, 仲想點?炒蕃薯苗, 好食, 肥, 油, 但係好食, 又係多雞粉.燒海鮮, 我太窮, 吃不起, 但應該可以?啤酒, 落冰杯, 係冰杯, 大牌檔消夜俾冰杯你, 足見誠意. 會回頭.…查看更多

以前曾經試過日日買串燒反屋企當飯食😂是關食串燒有時真係收吳到口😅朋友知道我鐘意食串燒，就帶我黎呢度食😉@🐔翼尖——最鐘意食骨，所以🐔翼尖就啱曬我，又燒得香口，好味😋@🐷扒———燒得啱啱好，肉嫩又鎖住肉汁吳會乾，加埋D辣粉仲好味✌️✌️@燒魚———吳會燒過🔥，小小辣，幾惹味，吳錯👍👍@羊肉串——-加左孜然粉燒，好好味☺️@燒豆卜——-燒到脆卜卜😂@蒜燒排骨——-用有小小軟骨既排骨燒，食落有口感，肉質嫰，味道更加吳使講👍😉全晚既串燒食物都好好食，不過我最鐘意個燒排骨，好惹味香口👍👍👍👍👍😋😋…查看更多

星期日晚上9點幾，2個人經過就入左去食..食左韮菜﹑羊肉﹑牛舌﹑茄子﹑水煮蜆﹑多春魚﹑X春蛋﹑鵝肝多士﹑冷烏冬，埋單好似係$2XX~$3XX。價錢OK，味道唔錯，諗住以後有機會都會再食~可惜，埋完單出到門口，因為仲有客人點菜，而佢燒烤爐放左喺門外，所以企喺度望左陣，點知！俾我地見到廚師趺左串金茹落地真係地下呀喺佢鞋邊，佢諗都唔諗就執番放番上個爐再燒救命!有時真係睇唔到一件事，但親眼見到就真係唉~~ 點再食？平時真係唔慣打食評，但哩次唔講唔德…查看更多

有日有個老朋友同我提起喺長沙灣搵到一間串燒店又抵食又好味。跟住佢話搵日帶我一齊去試吓，如果識路嘅話喺長沙灣地鐵站行過去只需要五至7分鐘。其實都幾方便。去到既時候朋友話一定要試佢羊架同埋燒茄子！而佢嗰個茄子簡直係一流好入味 而個羊架就燒到啱啱好。之後我哋仲叫左幾款串燒。老實講我哋唔係叫咗啦好多嘢但係都已經好飽而且買單都唔使$200。其實真係好抵 呢個價錢咁嘅質素 雖然佢嘅鋪面唔係真係好靚但係食物一流。同埋佢收鋪嘅時間係凌晨 放工仲可以約埋啲朋友一齊去宵夜 所以值得推介。…查看更多

今晚晚餐淨係食左小小水果,到左11點已經開始肚餓,咁就約埋個老友過左黎長沙灣呢頭食野,搵左呢間串燒小店,叫左燒雞比飯,燒豬頸肉，雞肉，牛脷,茄子,全部都燒得好好味。質素好高,要彈既係環境差D,…查看更多

呢間許願樹美食係串燒店黎，其實平時做完GYM都經過好多次，亦都聞到好香，不過成日最後都行過。今次終於的起心肝試試佢。孜然炸豬手，見佢推介，所以試下，不過黎到就覺得骨比較大，肉又係顯著特別多，食落去孜然味略不夠。茄子，每次係串燒店都係必叫既野，今次唔例外，呢個茄子都算大舊，味道足，蒜味重，啖啖肉感覺唔錯。肉餅飯，舊肉淋淋地，配硬硬地既飯，有層次的口感，比就咁正常肉餅碟頭飯好食D。豬頸肉，雞肉，牛脷，牛油金菇，全部野都有一樣共通點就係唔夠味，有機會係我地叫左少辣，佢地唔敢落太多孜然粉，不過撇除呢點，本身肉類整體都唔錯，唔會燒到硬哂好乾，豬頸肉肥肥地岩哂我，牛油金菇我算係孜然粉落我較為多果樣，可能師父驚金菇太清唔夠味。整體黎講，呢間串燒係可以一戰，同朋友一齊食係一個唔錯既選擇。…查看更多

夜晚想搵啲嘢食，就見到呢間串燒店大排長龍，本來淨係想食一兩串，點知揀下揀下就揀左好多😂😂😂另外仲叫咗魷魚同埋炒蜜糖骨，買單差唔多$200 ，我覺得還可以啦～魷魚係燒魷魚乾，所以特別香噴噴😙😙.....炒蜜糖骨好好食，燒得非常之香口入味～冬菇多汁juicy， 雞軟骨好有咬口，不過我就覺得實咗啲，所以越咬越攰....😂😂😂😂入面仲有雞腎.，同樣有趙口，至於豆卜燒得濕潤又唔會太乾..～～～…查看更多

許願樹共有三間分店，我終於試過哂三間了。這間算是座位最迫既一間，不過風味依然。今次我地一行六人，選了＄238任食再加一點另外收費海鮮！我第一次試任食先望到原來青口，蜆，蚌都可以任食，覺得好超值，另外汽水亦可以任飲，岩哂我！其實好多都好好味，除左燒大眼雞，可能條魚吾新鮮，好腥臭！豆腐燒得好脆口，九菜，鵝肝＄45又好大舊+肥美，雞翼好　juicy，金姑肥牛包到好脹好抵叫，雞軟骨，多春魚都燒得好好味。我地叫左牛扒，原本朋友話呢度叫牛扒吾方好食，但意外地好有肉味，叫5成熟又真係做到，吾韌，半生熟有血水既牛先係好味！…查看更多

位於長沙灣的許願樹，坐定定寫好點餐紙就會有職員代勞幫你燒好所選的食物。店鋪雖然坐位不多，但通常都不會太爆滿，一般情況下是可以安排到座位的。這裡食物選擇不少，由一般串燒熱門之選的牛肉、雞肉、菇、蔬菜之外，還有新鮮即燒海鮮。今次我特別來試試海鮮類。由於這裡是即叫即燒的形式，落order之後要稍為耐心等候一下。燒蟶子－燒到剛剛好一點都不乾身，咬落仲好juicy，保留了海水鮮味。蟶子肉身彈牙爽口，感覺都幾新鮮。海鮮炒飯－青口燒得老左少少，有點硬身。炒飯中規中舉，味道偏淡，裡面放了些蟹肉增加口感。總括來說都算唔錯，可以一試。…查看更多

朋友話呢到既串燒好好食 所以就特登黎試下呢到坐底就自己點野食既燒翠玉瓜（清甜）雞腎（爽口）煙鴨胸（唔會太鹹）燒茄子（好好食必點，茄子上面有醬汁同肉碎有少少辣既 所以食落口好野味）朋友就話有少少似魚香茄子雄仔燒鵝肝（原來係麵包夾鵝肝麵包好脆同有搽蜜糖鵝肝就比較細 鵝肝味無乜）燒豆卜（唔會燒到好乾）台灣黑椒腸（好好食）黑椒牛仔骨（黑椒味重 味道好好食）燒燒賣（就唔係普通既魚肉燒賣，係豬肉燒賣黎既 味道都唔錯既）燒雞肉（肉好滑 好好食）燒羊肉（食落唔似食緊羊肉 但係有羊肉味既）整體黎講全部野唔會燒到好乾，都算係好食既…查看更多

喺肥妹仔我同肥家姐食緊糖水既同時, 肥妹仔既屋企人已經去到許願樹呢度買串燒了~~Menu老實講,肥妹仔我覺得佢既價錢唔算平, 不過勝在佢既串燒真係即叫即燒, 好新鮮,而且味道唔差, 夠風味!!!!!3 串燒雞全翼 ($15/串)1 串燒燒賣 ($25/串)1 串司華力腸 ($20/串)1 串鹽燒牛舌 ($25/串)2 串雞腎 ($12/串)喺回家既途中, 肥妹仔我聞住果陣好香既孜然味, 真係受不了,聞得唔食得住既滋味真係非常難受.......番到屋企肥妹仔既母親大人將所有串燒倒晒出黎, yeah!!!!!終於食得lu~~~~燒雞全翼肥妹仔我係鐘意食雞全翼多過雞中翼既,因為佢既雞翼尖係燒到陣雞皮脆卜卜, 一D都唔肥膩,而佢既雞中翼同雞腿肉質係非常滑嫩, 連雞皮食簡直無得頂!燒燒賣呢個係肥妹仔阿哥每次都會叫既野食,佢既燒賣唔係普通既魚肉燒賣而係豬肉餡黎,一串得三粒, 唔算好多.....肥妹仔我覺得幾特別, 個豬肉餡調味幾好, 外皮燒到脆口, 唔錯!司華力腸肥妹仔我覺得燒到脆卜卜腸衣先係重點.....味道係好普通既司華力腸味,但係好好食~鹽燒牛舌個牛舌係厚切, 食落去肉質軟諗, 唔會過咸, 好好食~雞腎雞腎又係好好食, 脆卜卜, 非常爽口, 灑上孜然粉去燒真係好食到傻~~…查看更多