影片
更多
2017-07-18
60 浏览
星期日的晚上經過尖沙咀寶勒巷, 偶然睇到間餐廳叫”喜膳燒”, 它門外的街招好吸引, 街招上介紹餐廳主打燒烤, 有燒龍躉皮, 有燒海鮮, 有燒蠔等等, 突然間好想試下燒物, 正好行到攰攰地, 個肚又正想食D嘢, 於是入內休息兼醫肚。 入到店內, 見到吧枱上摆滿各式各樣的酒類, 高高矮矮的枱櫈在店內任君選擇, 喜歡座高些同朋友飲幾杯吹水的, 有高枱高櫈, 鍾意座矮D, 又有平常高低的枱櫈供你選擇, 唔錯！於是我揀了張高脚枱來座， 都好舒適。 口渴當然第一時間叫嘢飲, D啤酒買二送一, 好抵, 咁係叫啤酒啦! 何況啤酒配燒物是絕配。大大杯的啤酒好快送上來，啜一啖，哇！冰凉透心，酒味香醇！在今天這酷熱的天氣飲這啤酒，成個人感覺好凉好爽，真係要俾個like這透心凉的冰凍啤酒。 叫了好幾款串燒及小食，第一款上來的涼拌牛脷已令我惊嘆, 原來這小店都有如此好味道的涼拌菜, 牛脷爽口, 再加上小小麻, 小小辣的秘制醬汁, 話明涼拌菜就咁係涼涼地啦, 這味小食正是涼得來又香又辣, 在這熱辣辣的天時, 一杯冰涷啤, 一碟開胃小食, 已完全打開你的胃口, 勁正! 跟住, D燒物陸陸續續上來了, 燒午餐肉, 我
入到店內, 見到吧枱上摆滿各式各樣的酒類, 高高矮矮的枱櫈在店內任君選擇, 喜歡座高些同朋友飲幾杯吹水的, 有高枱高櫈, 鍾意座矮D, 又有平常高低的枱櫈供你選擇, 唔錯！於是我揀了張高脚枱來座， 都好舒適。
口渴當然第一時間叫嘢飲, D啤酒買二送一, 好抵, 咁係叫啤酒啦! 何況啤酒配燒物是絕配。大大杯的啤酒好快送上來，啜一啖，哇！冰凉透心，酒味香醇！在今天這酷熱的天氣飲這啤酒，成個人感覺好凉好爽，真係要俾個like這透心凉的冰凍啤酒。
叫了好幾款串燒及小食，第一款上來的涼拌牛脷已令我惊嘆, 原來這小店都有如此好味道的涼拌菜, 牛脷爽口, 再加上小小麻, 小小辣的秘制醬汁, 話明涼拌菜就咁係涼涼地啦, 這味小食正是涼得來又香又辣, 在這熱辣辣的天時, 一杯冰涷啤, 一碟開胃小食, 已完全打開你的胃口, 勁正!
跟住, D燒物陸陸續續上來了, 燒午餐肉, 我真是第一次食, D午餐肉用竹簽穿住, 兩邊燒到脆脆地, 好似食緊多士, 但有好香, 好濃郁的午餐肉香味, 又不肥膩, 比煎午餐肉還要好食, 可以食不停口, 一邊睇波, 一邊嘆啤酒, 這款燒物都是不錯的選擇.
燒各類肉丸我們應該食過好多, 這間的燒肉丸外皮燒到脆脆地, 他會幫你掃上一層自製醬汁在上面, 別有風味!
燒帶子好味! 他們將大大隻的鮮帶子洒上蔥蒜等香料, 帶子肉本身的鮮甜加上香蔥蒜蓉調味, 一啖扒入口, 帶子鮮甜兼厚肉, 再加上燒出來的帶子汁, 滿口都是肉, 又香又甜, 好滿足!
唔好以為這間只有燒物食, 估唔到他的海鮮燴飯, 好食程度是超出你的預料, 我們叫了個海鮮燴飯, D飯熱辣辣上枱, 裡面有大蝦, 青口, 仲有螺肉, 我先食一啖飯, D飯酸酸甜甜, 有濃郁的番茄味道, D米煙煙韌韌, 很有咬口, 而且索晒蝦, 螺肉等等海鮮的鮮甜, 淨係食了這一啖飯, 可以食到它的水準, 估唔到這小小燒烤店是卧虎藏龍, 競然有咁好味的出品.
啤酒既然是買二送一, 我們咁係用到盡, 真係好抵. 待我們酒足飯飽後, 步出店舖, 真慶幸我們入啱地方, 又被我發現了尖沙咀一個落腳的好地方, 第日會再約埋朋友來睇下波, 飲下酒兼吹下水, 哈哈….
张贴