Ristorante Simpatico (已結業)

星期五晚同女朋友去山頂食飯，佢話過好想再食一次呢間餐廳的燒春雞，所以我就訂定呢間餐廳。7:30 上到去，人唔係好多，訂張露天的檯，但係有檯的冇安排我地靚d的景觀，有點失望﹐但整體環境都唔錯，女朋友都覺得舒服。兩個人叫了一碟水牛芝士蕃茄沙律、一隻燒春雞同埋一個海鮮pizza。個沙律d蕃茄係用醃過的蕃茄，唔係一般的新鮮蕃茄，味道較特別。然後上隻燒春雞，立即湊熱食，果然真係厲害，先食雞批位，d肉無論味道同彈性都係一流，一吃就知道隻雞係靚野，連雞胸都好嫩滑，真係要寫信叫蘇絲黃試下，睇下呢隻190元的燒春雞去到咩野景界。個pizza 的餅底係有d特別，感覺好綿，用料亦好足，海鮮有蝦同魚，差唔多放滿個pizza，但係個醬汁的配搭仲有d改進，只可以話好食。兩個人吃了4xx 元到，以呢度環境同食物質數，係山頂來說都係一個唔錯的選擇，值得推介，但記住試隻燒春雞。