影片
更多
2021-04-30
45 浏览
日常都喜歡斬料返屋企加餸，今晚弟弟返嚟食飯，決定食好啲。有時經過長沙灣都見到呢間燒味店人頭湧湧，特別收工時間，排晒長龍㗎，所以我想試吓佢嘅燒味。最後我買咗四款不同款式嘅燒味返屋企同屋企人開心share食。首先就是半隻原味手撕雞，就咁睇已經成盒好有份量，而且配以麻醬，還有好爽口嘅海蜇，小朋友最鍾意食一條條嘅手撕雞，啖啖肉又冇骨，食到好多雞髀肉啊。燒味佬叉燒大約有半斤，仲有好多斬好件的燒全翼，我就最喜歡吃雞翼，撈飯簡直一流，而且叉燒半肥瘦，最啱我胃口。大大盒嘅至尊燒鵝有半隻，面頭已經係雞髀件，哥哥就最鍾意凍食，但係我同媽媽就炒幾炒熱辣辣去食，原來都別有一番風味，最鍾意佢多肉少骨，而且燒鵝肉好滑嫩，正。下次會再繼續幫襯，味道真係唔錯！
有時經過長沙灣都見到呢間燒味店人頭湧湧，特別收工時間，排晒長龍㗎，所以我想試吓佢嘅燒味。
最後我買咗四款不同款式嘅燒味返屋企同屋企人開心share食。
首先就是半隻原味手撕雞，就咁睇已經成盒好有份量，而且配以麻醬，還有好爽口嘅海蜇，小朋友最鍾意食一條條嘅手撕雞，啖啖肉又冇骨，食到好多雞髀肉啊。
燒味佬叉燒大約有半斤，仲有好多斬好件的燒全翼，我就最喜歡吃雞翼，撈飯簡直一流，而且叉燒半肥瘦，最啱我胃口。
大大盒嘅至尊燒鵝有半隻，面頭已經係雞髀件，哥哥就最鍾意凍食，但係我同媽媽就炒幾炒熱辣辣去食，原來都別有一番風味，最鍾意佢多肉少骨，而且燒鵝肉好滑嫩，正。下次會再繼續幫襯，味道真係唔錯！
张贴
