大壹燒鵝 (登輝大廈)

营业中

休息中

大壹燒鵝銅鑼灣店食物質素高，間唔中就幫襯，今次帶個朋友去想試多啲款式，我哋就叫咗一個三拼，分別有燒鵝叉燒王同燻蹄，沒有套裝，只有散叫，咁就自行加個湯同米粉另外叫個油髀飯套餐，有湯有飯仲有油菜三拼上枱仲有少少暖，燒鵝切咗鵝胸嘅位置，啖啖肉。鵝皮仲好脆口，中間嘅油脂咬落去甘香又唔覺肥。連肉一齊食非常下飯叉燒王肥瘦相間，又唔會過甜，而且非常腍，一口一啖啱啱好而家好多地方嘅燻蹄都做得麻麻，呢間就好唔錯。有肉有皮爽口有肉香，點埋甜酸醋一齊食非常合襯油雞髀非常嫩滑又入味，甜豉油嘅味道唔會蓋過雞味，加埋薑蔥蓉食，鹹味就啱啱好