鏞記酒家

营业中

休息中

有外國朋友嚟香港玩，話想試下最地道嘅廣東菜，第一時間就諗起鏞記。貪佢名氣夠大，裝修又有中國特色，帶朋友嚟打卡兼食飯，夠晒得體。一場嚟到，招牌菜一定要試。我哋叫咗個至尊炭燒肥燶叉，同平時食開嘅叉燒好唔同，邊位燒到有啲焦香，半肥瘦，入口鬆化又多汁，可以排係當晚個朋友鍾意菜式嘅頭位。另外個化皮乳豬件，塊皮真係燒到玻璃咁脆，入口「卜卜」聲，朋友話係佢食過最好食嘅燒乳豬。再加多碟椒絲腐乳炒通菜，等佢試下咩叫鑊氣，佢話估唔到普通一碟菜都可以咁好食。雖然成餐飯都係肉，但見到個Friend食得咁滿足，不停影相打卡，就覺得無介紹錯。想俾外國朋友一個難忘嘅香港美食體驗，鏞記絕對係一個唔錯嘅選擇。