影片
更多
2021-03-26
498 浏览
星期六無出街，喺屋企附近做完運動再食個晚飯，我哋去咗幫襯新開張無耐嘅「匯景燒味點心館」。餐廳名清楚講哂，呢度有燒味賣，又有心點食(小新叫法)🥢。日頭食點心唔難，但夜晚想食，酒樓都未必幫到你，不過有點心專門店就無有怕。呢度嘅點心選擇唔算特別多，但有齊大路款式嘅😁。黑松露蝦餃拼燒賣($29)，蝦餃同燒賣可以雙併實在太好了😍，一次過滿足兩個願望。兩款經典點心都係大大粒，🍤蝦餃好飽滿，餡肉質感好彈牙，黑松露同蝦餃好夾，完全唔會格格不入。燒賣則屬正常水平，無前者咁出色。鮮蝦菜苗餃($23)，菜苗餃嘅造型同蝦餃唔同，因為無封頂的，但兩者共通點都係用上新鮮蝦肉，味道同樣好食。再者，餡料加入🥦菜苗令口感更有層次。 鮮蝦腐皮卷($23)，蝦蝦蝦，又係蝦🦐。腐皮卷嘅餡料層較為薄身，不過重點落喺腐皮身上。腐皮炸得超脆，配埋喼汁食冇得輸，呢度嘅喼汁特別惹味，因為辣辣哋🌶。本身主要想嚟食點心，但見在座客人大部份都有叫燒味，加上店員落力推介，於是我哋就留肚食埋燒味😛。金牌燒鵝(上莊)($118)，燒鵝真係明顯比燒鴨好食，鵝肉好香，亦難得無咩羶味。鍾意食大啖肉的話，嗌燒鵝上莊就最適合不過🈴️，呢個部位夠厚肉，又無乜骨
星期六無出街，喺屋企附近做完運動再食個晚飯，我哋去咗幫襯新開張無耐嘅「匯景燒味點心館」。餐廳名清楚講哂，呢度有燒味賣，又有心點食(小新叫法)🥢。
日頭食點心唔難，但夜晚想食，酒樓都未必幫到你，不過有點心專門店就無有怕。呢度嘅點心選擇唔算特別多，但有齊大路款式嘅😁。
黑松露蝦餃
$29
8 浏览
0 赞好
0 留言
鮮蝦菜苗餃
$23
5 浏览
0 赞好
0 留言
鮮蝦腐皮卷
$23
5 浏览
0 赞好
0 留言
本身主要想嚟食點心，但見在座客人大部份都有叫燒味，加上店員落力推介，於是我哋就留肚食埋燒味😛。
金牌燒鵝
$118
19 浏览
0 赞好
0 留言
化皮乳豬瀨粉($68)，🐷我一向都幾鍾意食乳豬，但真係出街先會食，平日加餸斬料返屋企都係買叉燒或者燒肉多。乳豬皮燒得好均勻，全塊都脆卜卜，而且食得出隻豬唔係老豬。由於好食😋，所以而家呢個量唔係好夠，哈哈。
燒味飯可以轉米粉、瀨粉或者河粉。🍜湯瀨粉大大碗，雖然湯頭偏淡，但勝在熱辣辣，更重要嘅係瀨粉每條都好長、好完整，唔會碎濕濕。
燒味飯套餐會送飲品或者例湯。我哋要咗例湯，紅蘿蔔豬骨湯幾足料🥕，飲完冇口乾，相信冇落味精。
食點心又點少得飲茶呢🍵？茶芥$6一位，我哋要咗雲南十年普洱。
總括嚟講，呢間街坊店真係相當唔錯，兩類主打食物都整得有水準👍，附近街坊有福了。食物以外，餐廳環境亦算幾整齊乾淨，客人坐得舒服。最後，店員們超級好人，友善嘅態度絕對令人留下好印象。
张贴
