影片
以为街坊店都支持下啦，但几次买外卖都分量少，质素差，好似买外卖，以为人地见唔到，回家发现鸡饭就俾鸡亦位你，烧腩仔饭就俾肥肉你，唔怪得生意会咁差 ， 咁快又要转名，其实要多d 街坊帮衬，食物质素好重要。堂食服务亦不见得好，应该唔会再帮衬。
继续阅读
食咗个片皮鸭套餐👍， 好好吃👏👏！小菜好特别😋😋！ 款式同其他茶餐厅有分别！ 感觉私房菜🥢🥢！刚装修完，所以好整齐！卫生🙌🙌套餐四佰元右左，前菜，片皮鸭＋小菜2款＋白饭＋饮品😊
继续阅读
疫情期间有一段时间无黎蓝田汇景商场探一位老前辈，今晚再去，老前辈话食开𠮶间茶餐厅转咗手，叫我一齐去试吓，佢话呢间茶餐厅劲就劲在有片皮鸭食，于是就一行四人去试吓。点了海南鸡饭、片皮鸭两食、花生炆鸡脚同埋海蜇拼熏蹄。我觉得最有惊喜系个海南鸡，肉质够嫩滑，无谂过街坊茶餐厅有咁嘅水准。片皮鸭因为偏瘦，所以唔够油香，不过如果你唔钟意食咁肥嘅呢度就啱晒你。片皮鸭两食个鸭壳用茄子炆，都几好食。花生鸡脚炆得够淋又够晒入味，性价比高，随时好食过好多大酒楼嘅鲍汁鸡脚。海蜇熏蹄就正常啦。整体食物质素高，价钱偏低，蓝田居民有福了。
继续阅读
系 Openrice 睇人地既烧鹅相, 乳猪相好靓, 所以就去试一次咁去买外卖饭试下点知一打开个饭盒点解d烧鹅变左切粒, 真系未见过, 衣家食五香肉丁咩, 同埋本人怀疑有d 唔系__ __ 乳猪一定系头头尾尾, 又淋晒如果呢个饭 20 蚊我会考虑下冯咩收七十几蚊?
继续阅读
一入到去就冇人主动招呼你，但明明舖头入面都冇乜客。企咗一阵就有人叫我哋随便坐，我哋谂住叫点心就揾吓有冇点心纸，问一个比较后生戴眼镜肥肥地嘅女职员，佢就黑口黑面咁随手拎一张外卖纸叫我哋喺上面写。到我哋写完之后比另一个年长少少嘅女职员落单，佢就叫我哋写返系张过咗胶嘅点心纸度，俾佢地点来点去，完全冇系统。叫完点心又无人主动比碗我哋（佢本身只系放低咗一个洗碗嘅兜，餐具同茶杯，因为有人会就咁叫碟头饭）咁佢冇收+1服务费，我以为系要self service啦，又唔系㖞，望一望隔离枱有乜都有齐晒，服务又殷勤d，黑口黑面个女职员都会有啲笑容。之后等咗半个钟先有点心食，差啲仲以为漏单，我明即叫即蒸系要啲时间，但平时都顶尽都15分钟姐。原来佢系一次过整晒成间铺嘅点心order。嘢食黎讲不过不失，但以呢个质素要我等咁耐宁愿求其去点心店好过。
继续阅读