燒蝦蝦 (興泰大廈) (已結業)

真係好耐冇食過放題，我比較偏好任食海鮮同埋甜品，所以呢一間就最啱我要求。🍰甜品必選：粉紅色蛋糕、朱古力撻一行去甜品區，最吸引我就係呢兩樣。粉紅色嘅蛋糕真係好吸引，係淡淡嘅草莓味好清新。朱古力撻都好充實，最外面少少脆，裏面流心，連埋個撻皮食真係好正。💦海鮮首選：章魚一嚿嚿已經切好曬。配上自選嘅配料去燒，真係夠曬入味。🦐招牌菜：流水蝦喺佢完全係新鮮生猛嘅狀態下可以任夾。食落真係非常鮮嫩呀。🦪回本之選：蠔真係好大隻，殼同肉都肥厚。生食都應該幾正，熟左仲有一番燒烤嘅香。