MGB by Manhattan Grill & Bar (已結業)

餐廳的燈光好暗,令人想訓覺。份量好少,價錢就變左貴了。蝦唔新鮮,沙律菜ok炸魚賣相好似ok,但食落魚不太新鮮,微燶,薯條夠脆。薯蓉和羽衣甘藍都ok。呢碟賣相想點呢?豬肉味道可以,不過肉的質地唔夠腍。牛肩好食,唔韌,好食過個豬好多。 龍蝦肉質有少少霉,唔夠新鮮,意大利飯質地適中,汁都夠濃,意大利飯太少。好香卡邦尼味,意粉軟硬適中,帶子都香口,唔會有太多油。呢一碟賣的不是味道,而係餐廳職員的執著和要求。這是第二碟,因第一碟炸得好燶(見第一張相)過哂氣,但餐廳職員主動要求同我地換過一碟,另外再俾多4隻即炸的蝦我地,不過唔記得左影相。即炸的蝦果然唔同,夠熱夠脆。橄欖味道好濃的,意粉入面有D一片o既野唔太覺得係雪魚。