火鍋撚 (染布房街) (已結業)

每次大學同學聚舊， 地點一定係揀旺角，而且十次有九次都係去打邊爐， 貪可以吹水吹耐啲。今晚就揀咗染布房街嘅火鍋撚，位置雖然越嚟咗港鐵站少少，但上到去都叫俾咗間房我哋，更加可以開懷地取水。到底叫咗酸菜白肉鍋加麻辣鍋。 酸菜湯底酸酸地，令人食慾大增。酸菜仲可以添加。至於麻辣鍋我就嫌唔夠香，不過辣度都ok。其他材料都很新鮮，手打丸夠彈牙，牛肉入口即溶， 啲蠔大大隻，淥耐咗都冇縮水就。 啲餃都好足料， 隻隻都脹卜卜。而呢度都好貼心，啲餸餸上嚟嗰時候會跟住個牌，話畀你聽淥幾多秒就食得，讚。另外呢度都有手工啤飲，出面較少有。埋單都係每人$400， 食到咁新鮮嘅食材，個人覺得算抵食啦。