影片
更多
2023-02-24
62 浏览
熱鬧chill 泰菜 同朋友去開波鞋街睇波鞋，行到攰攰地，要買既嘢都買好咗，就決定早少少食dinner，唔想去太遠，就決定係附近覓食，見到波鞋街中間既The Forest 都有不少餐廳就決定上去搵食。見到1樓有間泰菜餐廳，樓底高，裝修好配合the forest 的主題，水吧位添加咗好多植物，而餐廳入邊有有大型乾花吊飾，連燈罩都是乾花，佈置有心思，而且更有以camping 為主題的戶外座位，都幾得意，環境唔錯又係泰菜，所以就決定坐低休息吓～ 好彩我地早一步黎，因為去到食飯時間就陸續坐滿晒人，非常熱鬧有氣氛，仲有好多人係出邊等位，估唔到我地好好彩咁食咗間人氣熱店，建議想食既朋友真係要訂位~ 🥢芒果蟹肉沙律(HK$118) 成個沙律都好清新，而且蟹肉都好多，啱晒我，再配埋芒果肉，甜甜地好開胃 🥢冬蔭單骨炸雞翼(HK$82) 炸雞翼有薄薄脆漿，炸得脆身唔油，有少少辣，好惹味，而且份量都不少，有成10隻。 🥢泰式虎蝦金邊粉(HK$138) 2隻大大隻虎蝦，肉質爽口結實，金邊粉炒得乾身唔油，內裏有滿滿的配料，蛋絲豆乾是必需的，此Pad Thai 唔辣，酸酸甜甜，是泰國的味道～ 🥢芒果糯米飯
同朋友去開波鞋街睇波鞋，行到攰攰地，要買既嘢都買好咗，就決定早少少食dinner，唔想去太遠，就決定係附近覓食，見到波鞋街中間既The Forest 都有不少餐廳就決定上去搵食。
見到1樓有間泰菜餐廳，樓底高，裝修好配合the forest 的主題，水吧位添加咗好多植物，而餐廳入邊有有大型乾花吊飾，連燈罩都是乾花，佈置有心思，而且更有以camping 為主題的戶外座位，都幾得意，環境唔錯又係泰菜，所以就決定坐低休息吓～
好彩我地早一步黎，因為去到食飯時間就陸續坐滿晒人，非常熱鬧有氣氛，仲有好多人係出邊等位，估唔到我地好好彩咁食咗間人氣熱店，建議想食既朋友真係要訂位~
🥢芒果蟹肉沙律(HK$118)
成個沙律都好清新，而且蟹肉都好多，啱晒我，再配埋芒果肉，甜甜地好開胃
🥢冬蔭單骨炸雞翼(HK$82)
炸雞翼有薄薄脆漿，炸得脆身唔油，有少少辣，好惹味，而且份量都不少，有成10隻。
🥢泰式虎蝦金邊粉(HK$138)
2隻大大隻虎蝦，肉質爽口結實，金邊粉炒得乾身唔油，內裏有滿滿的配料，蛋絲豆乾是必需的，此Pad Thai 唔辣，酸酸甜甜，是泰國的味道～
🥢芒果糯米飯(HK$78)
甜品梗係要食我至愛既芒果糥米飯啦，這裏的糯米飯加咗蝶豆花，所以顏色是紫色的，而且係熱焫軟糯的，配上冰凍香甜的芒果，以及甜膩的椰汁，超好味，面頭仲有椰子脆片，多一份香脆口感。
🍹飲品：桔仔酸梅汁&泰象青檸梳打
天氣開始轉熱，配上冰凍的飲品，好清爽！
张贴
