牛匠石燒 (已結業)

日本返到嚟之後咁耐都冇食過燒肉，今日一於去食吓。尖沙咀有一間都幾多好評嘅燒肉餐廳，叫做牛匠石燒，見今日喺美麗華廣場買完嘢，順路就去食吓。入到去都好熱鬧，感覺上呢度本地人同埋遊客都多。首先我哋叫咗兩杯嘢飲，一杯熱嘅柚子蜜，一杯士多啤梨乳酪飲品。一場嚟到梗係要叫燒肉，首先叫咗個安格斯牛肉，之後就叫咗雞頸肉。等石板夠熱後就開始燒啦。肉質唔錯，幾彈牙，牛味香，雞頸肉夠爽口。我哋另外仲叫咗個烏冬同埋飯，用生菜包啲飯或者包啲肉一齊食，都幾正，清新嘅感覺。另外仲有燒魷魚，份量好多，有好多塊！燒得幾香。咁多樣嘢入邊我最鍾意係玉子燒！甜甜地鹹鹹地嘅玉子，非常惹味。飽滿嘅一餐。