霸嗎拉麵 (德己立街)

营业中

休息中

行經蘭桂芳，有D肚餓，呢度都有間霸嗎拉麵，地方不算很大，顧客都唔少。點了豚肉石鍋飯，另加唐揚炸鷄，甜品為紅豆芝麻雪糕。豚肉石鍋飯熱鍋奉上，仍然聽見唧唧聲，熟蛋切粒連豚肉鋪在飯面上，賣相唔錯，熱辣辣飯粒甘香，豚肉焗在熱飯内，吸收埋飯焦香味，豚肉夠腍滑，唔覺膻味，鹹度啱啱好，加少少水浸埋飯焦，估唔到都幾好味，飯焦香脆，口感特別，相當唔錯。唐揚炸鷄即叫即炸，份外香脆，肉汁豐富，肉質嫩滑惹味。紅豆芝麻雪糕好滋味，紅豆夠甜香滑，芝麻雪糕冰凍清甜，正好清除石鍋飯及炸鷄嘅起熱氣。