影片
更多
2024-03-01
63 浏览
呢日下午接近兩點，第一次嚟到呢間開咗個幾月，由上手美心改裝過嚟嘅大快活，改裝後，無咗燒味個廚房，收銀就縮咗入入面，個位有啲窄，排隊買嘢食個位加埋睇餐嘅人，其實都好迫下，但可以擺嘅餐檯就變得多咗。由於仲係點幾鐘，所以供應嘅仲係午餐，睇咗一輪，見到咖喱牛筋腩飯要$57，加埋熱飲$7，凍飲加$10，即係要至少$64先至可以埋到單，呢個價錢食百分百都得啦，使鬼食佢咩！其他嘢一係賣哂，一係價錢偏貴，於是把心一橫，等多幾分鐘，到下午茶時間再睇過有無啱心水嘢食。終於等到下午兩點，下午茶時間到咗，原本無咩人嘅收銀處，唔知起起邊度湧咗一大堆人出嚟，搞到原本偏窄嘅收銀處窄上加窄，迫上加迫。叫咗個五香肉丁麵，配檸半個蜜牛油脆豬，熱奶茶，共$33。佢啲麵唔知幾時開始，改咗用同大快活一樣嘅扁身快熟嘅泡麵，好處真係快熟，但食落好似依家啲空氣麵包咁，無質感，唔飽肚，得個樣。五香肉丁好香好好食；脆豬個包身如果硬啲就更好，依家個口感係有啲脆，但唔係好脆，而且有蜜糖黐住包邊，用手拎嚟食嘅話會有啲黐𥹉𥹉，如果改用蒜蓉醬會更好，味道會更香，但當然，蒜蓉味，未必個個受得到；奶茶都係唔好差，但至少以往嗰祲酸味少咗，比以往好飲少少
由於仲係點幾鐘，所以供應嘅仲係午餐，睇咗一輪，見到咖喱牛筋腩飯要$57，加埋熱飲$7，凍飲加$10，即係要至少$64先至可以埋到單，呢個價錢食百分百都得啦，使鬼食佢咩！其他嘢一係賣哂，一係價錢偏貴，於是把心一橫，等多幾分鐘，到下午茶時間再睇過有無啱心水嘢食。
終於等到下午兩點，下午茶時間到咗，原本無咩人嘅收銀處，唔知起起邊度湧咗一大堆人出嚟，搞到原本偏窄嘅收銀處窄上加窄，迫上加迫。
叫咗個五香肉丁麵，配檸半個蜜牛油脆豬，熱奶茶，共$33。
佢啲麵唔知幾時開始，改咗用同大快活一樣嘅扁身快熟嘅泡麵，好處真係快熟，但食落好似依家啲空氣麵包咁，無質感，唔飽肚，得個樣。
五香肉丁好香好好食；脆豬個包身如果硬啲就更好，依家個口感係有啲脆，但唔係好脆，而且有蜜糖黐住包邊，用手拎嚟食嘅話會有啲黐𥹉𥹉，如果改用蒜蓉醬會更好，味道會更香，但當然，蒜蓉味，未必個個受得到；奶茶都係唔好差，但至少以往嗰祲酸味少咗，比以往好飲少少。
值得一讚嘅係碗麵有一葉生菜起度，碗麵嘅層次感多咗，但個份量真係少。
另一樣要彈嘅係奶茶居然無畀攪棍或細匙羹，只畀條大匙羹我，希望佢哋只係執漏咗，而唔係慣常做法。
张贴
