大家樂 (翠屏(北)商場)

营业中

休息中

印象中我係第一次晚餐幫襯大家樂，呢餐我揀咗醬皇豬手配羅宋湯，$57，加配可樂$7，慣例手機落單，信用卡付款。等咗10分鐘左右，手機顯示可以拎得，唔需要睇螢幕顯示，好方便。未食之前，先行拍照是必需的。羅宋湯是以往熟悉的味道，相比早前去沙田茶座飲過嘅清甜羅宋湯，呢碗湯更似街坊茶記嘅羅宋湯，飲嘅唔單只味道，更係一種情懷。醬皇豬手呢個餐單顯示的菜式，圖片亦只顯示豬手，但出餐卻出現大量蘿蔔，又再次出現圖片只供參考的情況。什麼是醬皇我搞不清，醬料是什麼我搞不懂，能否稱皇就肯定不能夠，雖則難以形容是什麼味道，但味道是可以接受的，而且醬的份量不少，足以浸滿整碗飯之餘還有剩，我喜歡。蘿蔔雖然是不是當造時候，但依然很清甜，單單用醬汁配蘿蔔，就足以吃完那碗不太好吃的白飯了。豬手單從骨的切口就知一定與其他茶餐廳或兩餸飯一樣是雪貨，但處理的技藝卻有高低之分，坊間食到嘅豬手，尤其是兩餸飯，即使出名嘅權發，豬手燜出嚟都係爽身，但呢間唔係，燜嘅火喉剛剛好，唔會過硬，亦唔會過腍，完全符合我對豬手質感嘅要求。食完有啲膩嘅豬手，一杯凍飲正好解膩，舒服。

呢日嘅早餐，想食蘿蔔糕及炒麵，於是點咗蘿蔔糕配低糖綠茶，$29，加$8配炒麵，手機點餐，用信用卡付款。蘿蔔糕有3件，炒麵有一兜，唔問唔知，原來大家樂都有辣椒油供應，但同甜醬一樣，要問先至有，而唔係好似辣椒醬、鹽、胡椒粉咁放起自助餐具櫃桶咁畀人拎，有無人可以話我知點解？另一個有蘿蔔糕配炒麵嘅餐係蘿蔔糕、炒麵配粥，$36，但蘿蔔糕只有一件，炒麵比呢兜少一半，你係我嘅話，你會點揀？食到最後，發現原來唔只蘿蔔糕油，炒麵更油，有相為證，以後都係少食為妙。

日前去大家樂用手機點呢個餐，鹹牛蛋治配低糖綠茶，$24。完全無諗過居然係預製食物，兩塊麵包係凍嘅，仲以為佢哋所以食物，即使係部份預製，例如下午茶嘅貝果，都會起微波爐加熱，點會諗到呢次件三文治居然連加熱都慳返，直接畀客，講真，微波爐翻熱要加多幾多成本呀？不過諗深一層又係嘅，$24一件兩料三文治配熱飲或汽水，堂食嘅話，邊可能做到咁平呀？早知係咁，我就畀$23，叫雞肉漢堡好過啦！經此一餐，大家樂嘅所有三文治，除非我失憶，否則都唔可能再叫。

呢日下午茶，用手機落單，點了煙肉芝士貝果配春卷一條及低糖綠茶一杯（$36），加配椰菜花飯（$15），用信用卡付款。貝果的餡料有蕃茄、青瓜、煙肉、芝士及沙律醬，但芝士沒有芝士味，而且由於有沙律醬的關係，所以會整到成手係沙律醬，愛乾淨的人，就切勿點呢個。椰菜花飯裡面有三色豆及非常濃烈的蒜蓉，但完全沒有鹽，所以口感非常淡，我要急忙去拎幼鹽及胡椒粉做救亡，亦拎埋辣椒醬做後備，幸好只落鹽及胡椒粉各一包已可以。如果椰菜花飯配上有醬汁的食物，我相信沒有純椰菜花飯那麼難吃的，白飯也是一樣。另外，櫃檯店員放餐具的腦子應該出現問題，眼見有一碗椰菜花飯，居然只給我的餐具是餐刀及叉，而沒有給我匙羹！是沒帶腦上班，只懂機械式操作，還是想給我考驗？這個搭配，一次就夠，以前我都不會再點了。

呢款開心果西多士推出咗好耐，但一直未有機會試，今日終於有機會嚟食，配埋杯汽水或熱茶，$28。西多夠脆夠金黃，切開見到綠色物體，係唔係開心果醬我不得而知，因為係純醬，無果仁碎，亦食唔到果仁香，只有少許甜味，對於一個不太喜歡甜食的我來說，這個甜度已足夠。有別於傳統西多士，呢件西多係三無多士：無牛油、無煉奶、無糖漿，所以對於嚐甜如命的人來說，這個甜度來說是絕不足夠，或者有需要的話，去水吧要求牛油及糖漿，服務員會給也說不定，但對我而言是不用的。$28一件西多士加熱飲，以現今香港物價而言，是超值之算，在我角度來看，這件三無西多士是一試無妨，但沒試過亦算不上有損失。

用app落單，外賣自取叫左個四寶飯同焗海南雞飯，禁個優惠券顯示焗海南雞飯有個＄5優惠券，當然用啦，付款時又唔見有扣＄5，去到收銀台問佢地點解無扣到，佢地話到現場買呢個飯先可以扣，真係唔明，現場先可優惠，點解app會顯示出黎比我用呢？用左又唔會扣，整出黎做乜？app落單再揀左2個羅宋湯，到現場睇到包裝見好似得一個湯，咁就問啦，佢地話係呀得一個，佢地想點呢？諗住食客唔知，等攞到返家無得追究？羅宋湯唔夠2個又會比我揀，到現場唔夠湯又唔出聲，比我發現，問到先講😡，唔就其中一個湯換其他湯，返到屋企打開個湯，完全係麵粉湯，一舊舊，點飲呀😡😡😡現場再確認個四寶飯係咪有跟薑蓉，服務員話係叉燒飯，😳😳😳？？？我落單係四寶飯跟薑蓉，叫服務員打開黎睇如果唔啱就要換，佢用個好唔情願嘅表情打開，入面就係四寶飯，明明係四寶飯講成叉燒飯🤦‍♀️🤦‍♀️🤦‍♀️，又搞一輪，真係唔知想點😡😡😡😡😡😡😡開業就個月，開頭都可以，就係叫四寶飯都唔跟薑蓉，諗住新開可能員工未適應，都睇量嘅，咁咪自己每次打開外賣睇清楚先再走囉，今次真係一糟，app又有問題，現場服務員又有問題，請問大家樂你想點？？？

呢日下午茶時間，同家人再次嚟到呢間快餐店食嘢，點咗個特價餐：日式咖喱雞扒飯配熱奶茶多奶，$29 ，另外叫咗海南雞焗飯$50，加配凍綠茶$7，一共$57，加埋一共$86。兩個餐嘅評價，已經在相片下留言，不再重覆。整體嚟講，海南雞焗飯係超級難食，難聽啲講句係拎去餵狗，狗都唔食，仲要賣到$50，絕對絕對絕對無下次。反而個日式咖哩雞扒飯，日後可能會再試。相比上一手嘅美心，呢間大家樂明顯有心做得多，職員有禮貌之餘，清潔仲好快手，好勤力，每張檯都好快清理乾淨，值得一讚。

呢日下午接近兩點，第一次嚟到呢間開咗個幾月，由上手美心改裝過嚟嘅大快活，改裝後，無咗燒味個廚房，收銀就縮咗入入面，個位有啲窄，排隊買嘢食個位加埋睇餐嘅人，其實都好迫下，但可以擺嘅餐檯就變得多咗。由於仲係點幾鐘，所以供應嘅仲係午餐，睇咗一輪，見到咖喱牛筋腩飯要$57，加埋熱飲$7，凍飲加$10，即係要至少$64先至可以埋到單，呢個價錢食百分百都得啦，使鬼食佢咩！其他嘢一係賣哂，一係價錢偏貴，於是把心一橫，等多幾分鐘，到下午茶時間再睇過有無啱心水嘢食。終於等到下午兩點，下午茶時間到咗，原本無咩人嘅收銀處，唔知起起邊度湧咗一大堆人出嚟，搞到原本偏窄嘅收銀處窄上加窄，迫上加迫。叫咗個五香肉丁麵，配檸半個蜜牛油脆豬，熱奶茶，共$33。佢啲麵唔知幾時開始，改咗用同大快活一樣嘅扁身快熟嘅泡麵，好處真係快熟，但食落好似依家啲空氣麵包咁，無質感，唔飽肚，得個樣。五香肉丁好香好好食；脆豬個包身如果硬啲就更好，依家個口感係有啲脆，但唔係好脆，而且有蜜糖黐住包邊，用手拎嚟食嘅話會有啲黐𥹉𥹉，如果改用蒜蓉醬會更好，味道會更香，但當然，蒜蓉味，未必個個受得到；奶茶都係唔好差，但至少以往嗰祲酸味少咗，比以往好飲少少