劉興記生煎包專門店

营业中

休息中

從來熱愛上海菜，對呢間主打爆汁生煎包嘅好有興趣！連開幾間分店，堅持採用當日新鮮食材，以傳統工藝烹調美食。理念除左傳揚傳統工藝外，更加希望係近年艱難時刻增加傳統點心師傅就業機會，別具社會意義。當然要試招牌生煎包，用混水煎嘅方式，整個包有漸變金黃色。包底脆身，咬落真係會爆汁🫢熱辣辣好正！餡料好足，如果個皮稍為薄返少少會更理想。蟹黃生煎包包面有滿滿芝麻，餡料都好香口。麻醬手撕雞絲粉皮又係我必食😋芝麻醬係自家調製，帶微酸，更加開胃。雞絲酸辣湯麵，麵底係上海粗麵，幾彈牙。酸辣度適中，有冬菇木耳等材料。招牌擔擔麵，我喜歡個湯底！好濃郁，帶有花生香同微辣。秘製上海炸排骨好脆身一香口但唔會好油膩。