菠蘿煙肉和牛漢堡扒 - L和牛漢堡除左比較油膩之外，我本身期望係牛味重，香口既，但係食完就一般，感覺只係一件比較油膩既漢堡扒，味道上冇驚喜，放係熱石上面煎，一上枱唔可以煎太耐，因為舊石仲好熱（好易燶，入面唔夠熟），煎左3次左右，熱度下降會易煎d，鐵板上既蛋汁同菠蘿會好快乾，唔好食，睇相係岩岩上枱即刻影，已經開始焦邊，所以等多陣就會比較硬，店員見到石頭唔夠熱，會主動幫你換。試過之後我寧願去食個貴價少少/同等值既漢堡包來得滿足。呢個餐唔包飲品。午餐就包一罐飲品，另外椰菜絲配芝麻沙律汁及麵豉湯亦普普通通。
炸雞
我揀左有汁既，個汁好甜，件雞就大大舊，正常味，食肉獸大滿足。
埋單$212（純粹係大食＋想試埋炸雞），呢個價錢係商場食lunch應該好多選擇。
