告白果屋 (已搬遷) 新店位置

食物可以令人回味之外，其實飲品都可以令人再三回味。今次去咗葵涌廣場嘅呢間叫做告白果屋，睇佢嘅門面，都好睇得出佢地好用心咁去裝修。佢呢間嘅飲品，宣稱全部都係用新鮮水果黎榨嘅，而且有啲飲品仲要買一送一，今次我嗌左「熱戀中的羊咩咩」材料有：羽衣甘藍、啤梨、楊桃、橙。「羽衣甘藍」呢個名咁有詩意，係咩黎呢？我上網一查，原來呢樣野係一種蔬菜黎，有抗癌同排毒嘅功效，係一種好有益嘅食物黎。至於佢配搭出嘅味道，唔會太甜，亦唔會太過澀。