車品品小食 (已結業)

係電視見過哩間舖頭嘅介紹，成日都想嚟試，但地點唔太就腳，假日嚟一定要排隊。為咗唔想等，是日平日夜少少嚟。九點幾嚟到依然要排陣隊，唔緊要，揀定食咩都好。有女店員熱心走出嚟話啱先連續入咗幾枱客，所以要等一等，仲介紹期間限定產品~豬手，考慮試試。豬手又淋又入味,食落清新冇肥膩感。係味道偏甜同有少少無未清。食食下店員又好熱心咁同我哋解釋汁料用酒做成，可以流住個汁點菜食。干邑好燒吉品鮑，本想叫2隻中，賣晒。二話不說叫隻大，因為。。。只差4蚊一隻雖然都唔知係咪真係大咗，但見到兩粒元寶，鮑味清新，軟硬得宜哩個翅，雖然廿幾蚊細份量，但真係好足料，木耳肉絲冬菇，全部大條鮮味，唔會有煲得耐爛晒感覺，真心讚大什麵就真係好雜,因為咁多料，有好有唔好，大腸太入味（都係偏甜）必須浸耐少少先好食，墨魚睇起嚟比水魷落本，但都係冇味。蘿蔔細細，但就非常甜美。最後嚟杯清熱飲品，味道怪怪，但男朋友話正。。。最後埋單同店員傾傾下發現佢就係老闆娘，解釋店員只得三個,所以有位置都唔俾人搭枱，客人坐得舒服，佢哋又冇咁趕，可以保持食物同服務質素，雖然舖租貴，食物成本都上漲，堅持貨真假實，童叟無欺