百里香 (已易手) 新餐厅

其實熟食街市都有好多好野食架! 今日星期五同一班同事黎搵下野食先!呢間百里香位於觀塘駿業街街市。中午都幾多人嚟食。入到去每人有一份餐湯同餐，放係小煎Pan上面都幾得意! 不過味道就一般般啦!有小小咸!皇牌燒雞半隻併燒烤醬跟脆薯皇 $45呢度主打燒雞，雞肉嫩滑，唔會太老，燒烤醬夠晒入味。配菜有薯條及雜菜，但今次薯條少少硬。墨西哥雞肉芝士薄餅配莎莎醬酸忌廉 $48一直都好鍾意食墨西哥薄餅，呢間個薄餅好好食，分量唔算太多，但係都夠飽肚，雞肉餡份量亦都配合得啱啱好。另外佢哋個會都印有佢間餐廳名，幾特別。