影片
以上资料只供参考，请与餐厅确认详情
骏业熟食市场翻新左好一段时间，保留原来街市风貌，多间唔同餐厅进驻呢间BBQ都系食第二次，唔知系咪我地晏定疫情影响，系好少客餐汤质素就麻麻，似中式打芡嘅西汤，料好少，当佢赠饮就好了A) BBQ皇牌烧鸡1/2 $48烧鸡好浓郁香草味，鸡肉嫩滑，呢个价钱出去只食到碟头饭咋B) 美国橙车打芝士牛肉汉堡 $55牛肉汉堡大又有肉汁，食到少少肉筋，芝士冇偷细，薯仔沙律系店员介绍，好味C) 墨西哥鸡肉芝士薄饼 $45呢个好抵食，好有墨西哥风情，蕃茄同酸忌廉嘅酸度真系好开胃，薄饼少少㶶好香好正F) 脆香巴马臣芝士炸猪肉眼 $50两大块猪肉眼不得了，炸到金黄香脆，个青柠蜜糖芥末酱真系顶呱呱意粉佢落左汁煮，我会宁愿佢就咁混榄油香草或者蒜蓉炒，因为意粉汁同个猪扒酱混埋一齐
继续阅读
食burger食烤鸡咁抵嘅餐真系唔知边度揾🤪性价比几高 仲要系食到饱住走xd 系个舖位要啲时间揾 系熟食街市外面都见到咁靓嘅餐牌 就知无去错地方佢个舖面虽然系有啲细 但胜在好有待客之道💛我系tea嘅时间去到(仲可以减5蚊)系有唔少客 但未至于要排队等位 店员都比客吹住水咁食 唔会赶人走 呢点先系食得咁舒服嘅原因🥰重点系！点解系50蚊左近嘅价钱 都可以有餐汤、餐包、主食、餐饮、甜品 又唔系劣食 实在比n个👍佢都得！。。。🦔👉BBQ皇牌烧鸡配脆薯皇 $48呢个招牌点可以唔试！望住咁大件鸡😂即刻庆幸自己有同frd子黎开心share kekee 虽然无影到内在比大家睇 但佢比我想像中嫩、易入口 系厚啲部位例如鸡胸𠮶度有啲干身 但有佢𠮶烧烤酱就无有怕🤣(望住佢用好似去camping嘅cup再望下其他餐碟即刻好有feel⛺其次佢底部垫嘅薯菜其实都唔少 沾埋啲鸡肉汁 令平凡嘅薯菜升级哂 我个人就几okay呢度嘅烤薯仔同椰菜🤪。。。🦔👉美国橙芝士汉堡牛肉汉堡包配脆薯皇 $55我绝对相信佢个酸青瓜系自家制🥴因为真系酸到我差啲接受唔到 同金拱门相比绝对系有过之而无不及🤣好彩块牛肉汉堡厚得黎肉质几嫩😋质感唔柴易入口 加埋芝士几jenggg 仲有得拉丝!! 我最钟意嘅薯皇质感薯得黎唔干身 份量都算几多 perfect池 。。。🦔👉黑松露蘑菇忌廉汤+蒜蓉包普普通通 但起码比罐头汤有诚意 有另加料！食到粒粒蘑菇粒 再望住佢涂得咁均匀且烤过嘅蒜蓉包☺头盘黎讲都加哂分啦。。。🦔👉甜品根本无谂过会送埋甜品🤩仲要系焦糖脆面！味道唔会过甜 炖蛋又好水嫩 成个西餐由头食到尾 对佢唔满意至奇！真系好欣赏佢有咁嘅心思同诚意💕
继续阅读
️ BBQ王牌烧鸡+薯皇（餐汤配蒜蓉包）以呢个价钱来讲真系几抵食！仲会有蒜蓉包仲有餐汤～蒜蓉包都OK😉烧鸡再加薯皇系绝对够饱！以呢个价钱同份量来讲真系性价比极高～烧鸡都几滑🤤同埋另外有个sauce加埋都几好，个人觉得加埋𠮶sauce 好食啲😂
继续阅读
行过路过唔好错过，今日经过骏业街，行咗入去骏业熟食市场1楼嘅 #BBQ , 试下哩到嘅午餐先嚟哩个#德萨斯州烟熏BBQ手撕猪丝汉堡包 🍔配卷心菜及脆薯皇 ， 开始食之前见到佢哋用不锈钢平底镬仔上碟同埋摆盘，已经觉得非常有诚意同心思未试佢嘅味道，已经加分唔少，无谂过喺熟食中心都有西餐厅嘅感觉讲番个包先佢哋嘅BBQ汁非常惹味，唔太咸，仲有啲甜甜地，感觉有啲似日本嘅照烧汁，但无咁「杰」身，配上用哩个猪肉丝，真系好夹，而且佢哩个猪肉丝非常淋身，一啲都唔「un」，当中嘅神来之笔，就系佢唔系用肉碎，好似平时做汉堡嘅方式去处理，而系用肉丝嘅手法，咁样加容易夹杂多啲BBQ酱汁, 食落更加 juicy 有味，真系好有惊喜。值得一提就系佢哋选材嘅汉堡包，好厚身但系好软熟，唔会死实实好好咁吸收酱汁同肉汁，令到成个猪肉丝汉堡包唔会馅料还馅料，包还包咁，好一体化，令人真系食紧一个完完整整嘅一个汉堡包🌻🌻🌻🌻🌻另外跟住包配上嘅脆薯皇，上枱嘅时候啱啱炸起热辣辣，脆卜卜加上少少微辣真系好惹味，再加埋哩个卷芯菜作伴小小咁伴起嚟，去咁啲油腻，带起一份清新嘅感觉🌻🌻🌻🌻而另外一道，就系 #至尊靓扒 ，即叫即煎嘅美国 #安格斯肉眼扒 , 外面煎得好香口里面肉质非常嫩滑好多肉汁, 而且足足有7安士 , 仲要非常有份量, 加埋哩个黑椒烧汁, 简直系相得益彰, 锦上添花, 配合得天衣无缝🌻🌻🌻🌻而且餐厅收费非常超值, 如果经过开附近咁就一定要上嚟哩到 试下BBQ喇BBQ Grilled and Baked (观塘)观塘骏业街67号熟食市场1楼40&44号舖
继续阅读
平日下午时分去到，吾洗等有位坐满心期待试个汉堡，虽然知道佢烤鸡系热门食物，但见网上都有人赞佢个牛肉汉堡，多汁大份点左餐好快上忌廉汤配一件小蒜香包食落个汤比较稀，冇咩忌廉味，吾算浓滑，个包都冻左稍稍变软身，冇咁香口🥲好快上饮品同正餐喇 到枱望落真系名不虚传，个包系好大份，薯格份量虽吾算多，但最后食到好饱望一望里面有咩馅料，有大大块既牛肉汉堡，好厚一块，但配料就略为单调，只有一块芝士同好少既酱🥲🥲🥲 呢点系略为等失望，味道食落较单调味道冇传说中咁好味，个汉堡肉口感软身有少许牛味，但未去到传闻所讲既多肉汁。后期食落会干口，酱汁吾够，加上个包好大，虽然有烤过，食落脆口软熟，但包既香味亦略为逊色。而饮品质素算系普通，值得一赞系可免费转冻饮👍🏾👍🏾总结系价钱抵餐大份，味道就普普通通，或者期望愈大…因为睇左好多人赞佢，下次可试下佢个烤鸡
继续阅读