影片
更多
2019-08-23
28 浏览
星期五晚約friend 食餐好摸下酒杯底, 好食物好風景自然係個must! 呢日就去到紅磡嘉里酒店Bong 餐廳, 雖然單睇店名唔知佢食咩, 但最重要係海旁餐廳無束縛的環境, 坐在海旁夕陽西下的慢慢食同慢慢嘆, 先可以食出到食物的真味。再者, 食完夜少少仲可以睇埋幻彩詠香港, 一次過欣賞日落同夜景! 對住對面港島食萬家燈火食熟成牛慢慢享受。 走進餐廳，大概分為左右兩邊, 前方是水吧。裝修時尚不俗套, 有卡位也有圓檯, 全部沿著海旁面坐, 裝潢帶點歐陸風，襯以昏黃射燈，整體感覺舒適, 而右邊雪櫃仲可以睇到今晚的主角 –熟成牛。 今日與友人黎叫左一份dinner set 同一份意粉, 兩份Share. 麵包籃配香草牛油 餐前先黎兩款包包, 一款係長法屯, 烤得香脆, 可配醋同橄欖油。另外一款有nuts，食落有陣陣獨特香味, 配牛油仲更好食。 Sweet pumpkin cream soup Dinner Set 的湯係南瓜忌廉湯, 質感滑溜綿密細緻，南瓜味突出，味道同同質都無可挑剔。Sous vide chicken salad 雞肉沙律 醬汁與爽脆冰涼沙律菜分開上, 可以自
星期五晚約friend 食餐好摸下酒杯底, 好食物好風景自然係個must! 呢日就去到紅磡嘉里酒店Bong 餐廳, 雖然單睇店名唔知佢食咩, 但最重要係海旁餐廳無束縛的環境, 坐在海旁夕陽西下的慢慢食同慢慢嘆, 先可以食出到食物的真味。再者, 食完夜少少仲可以睇埋幻彩詠香港, 一次過欣賞日落同夜景! 對住對面港島食萬家燈火食熟成牛慢慢享受。
走進餐廳，大概分為左右兩邊, 前方是水吧。裝修時尚不俗套, 有卡位也有圓檯, 全部沿著海旁面坐, 裝潢帶點歐陸風，襯以昏黃射燈，整體感覺舒適, 而右邊雪櫃仲可以睇到今晚的主角 –熟成牛。
今日與友人黎叫左一份dinner set 同一份意粉, 兩份Share.麵包籃配香草牛油
餐前先黎兩款包包, 一款係長法屯, 烤得香脆, 可配醋同橄欖油。另外一款有nuts，食落有陣陣獨特香味, 配牛油仲更好食。Sweet pumpkin cream soup
Dinner Set 的湯係南瓜忌廉湯, 質感滑溜綿密細緻，南瓜味突出，味道同同質都無可挑剔。
Sous vide chicken salad 雞肉沙律
醬汁與爽脆冰涼沙律菜分開上, 可以自行決定落幾多, 再加上鮮橙的酸甜, 味道層次豐富。頭盤係Grilled scallop with salmon caviar
有魚子醬、燒帶子、三文魚與及時令水果， 單係賣相已經覺得好吸引, 擺盤也很有水準，三文魚他他分別係兩款不同部位的三文魚, 三文魚已作調味，肥美油脂足。而其上鮮味十足的魚子醬更為三文魚提升一個層次,層次豐富,變得好睇又矜貴。
Dry aged ribeye steak with king tiger prawn 
到主角來了, 熟成肉眼配皇帝虎蝦, 巨型虎蝦同熟成牛都係呢道菜的亮點從整個賣相，都見到廚師花過心思。食得出件肉眼本身好高質素，熟成牛在製作過程中裡面的水份會被蒸發, 而其天然酵素亦會打破肌肉組織, 熟成後令肉味更加濃郁軟嫩。燒出來的熟成肉眼外觀非常靚仔, 帶有炭火香, 比一般牛扒更加細嫩, 極富肉味。順帶一提, 餐廳提供左3款調味鹽(海鹽，紫菜鹽，喜馬拉雅山岩鹽)、黑椒汁、mustard 同酸青瓜, 其實點一點鹽已經把牛的滋味提升。至於巨型虎蝦質感爽彈, 好食。其餘蔬菜都烤過，帶有香氣，焗薯仔亦非常軟滑。
-
Chef's recommended pasta 
跟餐仲有個小意粉，份量唔會好多，唔會怕太飽濟，1人set黎講剛剛好。蕃茄味濃,有粒粒蕃茄同洋蔥粒, 意粉有咬口, 即使只是一人份量也用料不賴。只於另外叫的巴馬臣芝士黑松露蟹肉手造扁意粉
黑松露原片刨在扁意粉上, 顯出身價, 意粉底部充滿鮮拆蟹肉, 蟹肉好有鮮味,手造扁意粉有咬口, 整體味道唔錯。
最後是跟餐的士多啤梨雪芭同tiramisuStrawberry sorbet
士多啤梨雪芭味道天然， 酸酸甜甜不造作。
Tiramisu 甜味適中，馬卡風芝士漿做得挺身而柔滑，有酒醇亦有咖啡香, 芝味稱心。
Set drink
選了熱檸茶, 西式紅茶不會如港式濃, 但淡淡的正好為這晚作結。整體而言，我和友人都好滿意餐廳的食物、環境與及服務，無論室內外環境也令人感到很舒服自在，侍應服務也貼心到位，主動斟茶遞水，更換餐具，殷勤爽快態度，也是值得一讚。
张贴
